باياناۋىلداعى سابىندىكول جاعاسىندا كەڭاۋقىمدى اباتتاندىرۋ ءجۇرىپ جاتىر. جازدا جاسىباي كولىنە تۇسەتىن تۋريستىك جۇكتەمەنى ازايتۋ ماقساتىندا قولعا الىنعان جوبا بيىل كۇزدە اياقتالۋى كەرەك.
- كول باياناۋىل كەنتىنىڭ ءدال جانىندا ورنالاسقان. جاعاجايدى اباتتاندىرۋ جۇمىستارىنا وبلىستىق بيۋدجەتتەن 623 ملن 690 مىڭ تەڭگە ءبولىندى. جۇمىستاردى «ەرتىس ارت سەرۆيز» جشس مەردىگەر ۇتىپ الدى. قۇرىلىس ماتەريالدارىن جەتكىزۋ, بارلىعى قارقىندى ءجۇرىپ جاتىر. جوسپارعا سايكەس, مەردىگەر تاراپىنان ەشقانداي كەدەرگىسىز ورىندالىپ جاتىر. مۇنداعى اباتتاندىرۋ جۇمىستارى تەك كوركەيتۋ ماقساتىمەن عانا ەمەس, ينكليۋزيۆتىلىككە, ياعني ەرەكشە جانداردىڭ كەدەرگىسىز دەمالۋىنا اسا ءمان بەرىلىپ وتىر. جاعاجايعا ەمىن-ەركىن كىرىپ-ءتۇسۋى ءۇشىن تەرراسسالىق جول سالىنۋدا, ال كولىك تۇراعى اسفالت جامىلعىسىمەن جابىلعان. مەردىگەر ۇيىم جوسپارعا ساي جۇمىس ىستەپ جاتىر,-دەپ حابارلادى باياناۋىل اۋدانىنىڭ اكىمدىگىنەن.
پاۆلودار وبلىسى
