پاۆلودار قالاسىنىڭ جەر ۇيلەرى ورنالاسقان اۋماقتارداعى سۋ كولونكالارىن الىپ تاستاۋعا شەشىم قابىلداندى. ولاردىڭ سانى بۇگىندە 100-دەن اسادى. جاقىن كۇندەرى وبلىس ورتالىعىنداعى شاعىن اۋدانداردىڭ تۇرعىندارىن ورتالىقتاندىرىلعان اۋىزسۋ قۇبىرىنا قوسۋ جوسپارلانعان. سوعان بايلانىستى كوشەلەردە سامساپ تۇرعان سۋ قۇرىلعىلارى جويىلادى.
بۇل تۋرالى پاۆلودار وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ باسشىسى ەرجان يمانزايىپوۆ حابارلادى.
«قالا بويىنشا تۇرعىنداردى ورتالىقتاندىرىلعان اۋىزسۋعا قوسۋعا ارنالعان 5 جوبانى جۇزەگە اسىرۋ كوزدەلگەن. جوبا اياسىندا كولونكالاردى الامىز. جەر ۇيلەرگە اۋىزسۋ كىرگەن سوڭ بۇل قۇرىلعىلاردىڭ قاجەتى بولماي قالادى»,-دەدى ول.
اتالعان جوبا كەلەسى اپتادان باستاپ جۇزەگە اسا باستايدى.
پاۆلودار وبلىسى
