10 تامىز — قازاقتىڭ ۇلى اعارتۋشىسى جانە اقىنى اباي قۇنانباي ۇلىنىڭ تۋعان كۇنى. بيىل حاكىمنىڭ تۋعانىنا 180 جىل تولادى. وسى ايتۋلى داتاعا وراي ياندەكس كىتاپ قىزمەتى قازاقستاندىقتاردى اقىن مۇراسىمەن قايتا قاۋىشتىرىپ, ەرەكشە فورماتتا قۇتتىقتاۋدى ءجون كوردى.
ابايدىڭ كەڭىنەن تانىمال تۋىندىلارىنىڭ ءبىرى – «قارا سوزدەرىنەن» الىنعان ناقىل سوزدەر قازاقستاننىڭ التى قالاسىنداعى قوعامدىق كەڭىستىكتەردە پايدا بولدى. اتاپ ايتقاندا, ول قالالار – استانا, الماتى, اقتوبە, قاراعاندى, وسكەمەن جانە تاراز.
كلاسسيكتىڭ ناقىل سوزدەرى مەكتەپتەر مەن ۋنيۆەرسيتەتتەردىڭ ماڭايىندا, سپورت الاڭدارى مەن مادەني نىساندار جانىندا ورنالاستىرىلعان. بۇل لوكاتسيالار – اباي ەسىمىمەن اتالاتىن كوشەلەر مەن داڭعىلدار بويىندا. مۇنداي تاڭداۋ اقىن سوزدەرىنىڭ ءمان-ماعىناسى قالالىق ومىرگە ۇيلەسىمدى كىرىگىپ, زاماناۋي كەڭىستىكتە جاڭاشا تىنىس الۋىنا جول اشادى.
ماسەلەن, وقۋ ورىندارىنىڭ جانىندا ءبىلىم مەن عىلىم تۋرالى ويلارى, سپورت كەشەندەرىنىڭ ماڭىندا رۋح پەن جىگەر, قايرات جايىندا ايتقان ناقىلدارى قويىلعان. ءاربىر ءسوز اينالاداعى ورتامەن ۇندەسە وتىرىپ, اباي مۇراسىن كۇندەلىكتى ءومىردىڭ ءبىر بولىگىنە اينالدىرادى.
ءار ناقىل ءسوزدىڭ جانىنا QR-كود ورناتىلعان. ونى سكانەرلەۋ ارقىلى پايدالانۋشىلار ياندەكس كىتاپتارداعى ارنايى سورەگە ءوتىپ, ۇلى ويشىلدىڭ ەڭ ۇزدىك شىعارمالارىمەن تانىسا الادى. وسىلايشا, بۇل جوبا قالالىق ورتاعا كورىك بەرىپ قانا قويماي, اباي فيلوسوفياسىن كەز كەلگەن ادامعا ءبىر عانا قاداممەن قولجەتىمدى ەتەدى.
«اباي — تەك قازاق ادەبيەتىنىڭ كلاسسيگى ەمەس, بۇگىنگى كۇنگە دەيىن وزەكتى ويلار قالدىرعان عۇلاما. ءبىز ونىڭ سوزدەرى تەك كىتاپتاردا ەمەس, ادامدار كۇندە ءجۇرىپ وتەتىن جولداردا, قالانىڭ ءدال ورتاسىندا بولعانىن قالادىق», — دەيدى ياندەكس كىتاپ وكىلدەرى.
سونىمەن قاتار سەرۆيس ابايدىڭ باستى شىعارمالارى — «اسەمپاز بولما ارنەگە», «عىلىم تاپپاي ماقتانبا», «جازعىتۇرى», «قىس» جانە تاعى باسقا تۋىندىلارىنا ارنالعان مۇقابالار ازىرلەدى. ءاربىر مۇقابا شىعارما مازمۇنى مەن كوڭىل-كۇيىنە ساي جاسالعان. بۇل مۇقابالاردى دا ياندەكس كىتاپتاعى ارنايى سورەدەن كورۋگە بولادى.
ايتپاقشى, ابايدىڭ ءومىربايانى جايلى تولىعىراق بىلگىڭىز كەلسە, اليساسى بار ياندەكس ستانتسيانى پايدالانا الاسىز. «اليسا, اباي تۋرالى ايتىپ بەرشى» دەپ سۇراساڭىز, ول قۋانا جاۋاپ بەرەدى.
