وقيعا جاعالاۋدان 500 مەتر جەردە بولعان. جەلىدە تاراعان ۆيدەودا ءجاسوسپىرىمدى وزگە دەمالۋشىلار قۇتقارۋعا تىرىسقانى كورىنەدى. ءبىرى سۋعا قۇتقارۋ شەڭبەرىن لاقتىردى.
بولعان وقيعاعا بايلانىستى پوليتسيا تەرگەۋ باستاعان. ءتيىستى ساراپتامالار تاعايىندالعان.
«ادام ولىمىنە الىپ كەلگەن قاۋىپسىزدىك تالاپتارىنا ساي كەلمەيتىن جۇمىستاردى ورىنداۋ نەمەسە قىزمەت كورسەتۋ فاكتىسى بويىنشا قايىقتىڭ 32 جاستاعى يەسىنە قاتىستى سوتقا دەيىنگى تەرگەۋ باستالدى», – دەلىنگەن اباي وبلىسىنىڭ پوليتسيا دەپارتامەنتى تاراتقان اقپاراتتا.
بۇعان دەيىن الاكولدەگى قاۋىپسىزدىك پەن ينفراقۇرىلىم ماسەلەسى سىنعا ۇشىراعان. پرەزيدەنت قاسىم-جومارت توقاەۆ «الاكول تۋريستەردى قابىلداۋعا دايىن ەمەس» دەگەن. كەيىننەن ايماققا پرەمەر-ءمينيستردىڭ ورىنباسارى ەرمەك كوشەرباەۆ پەن تۋريزم جانە سپورت ءمينيسترى ەربول مىرزابولسىنوۆ بارعان. ءبىر قىزىعى سىنعا ۇشىرعان الاكول بۇرىن كوشەرباەۆتىڭ ءوزى باسقارعان شىعىس قازاقستان وبلىسىنا قاراعان.
