فوتو: ەڭبەك جانە حالىقتى الەۋمەتتىك قورعاۋ مينيسترلىگى
ونداي جانداردى وڭالتۋ قۇرالدارىمەن قامتاماسىز ەتۋ پروتەزدىك-ورتوپەديالىق, سۋردوتەحنيكالىق, تيفلوتەحنيكالىق جانە گيگيەنالىق قۇرالدار, سونداي-اق كرەسلو-اربالار بەرۋدى قامتيدى.
پورتالدا بۇگىندە 669 ارناۋلى الەۋمەتتىك قىزمەت كورسەتۋشى, 1012 وتق جەتكىزۋشىسى, 31 مىڭنان استام جەكە كومەكشى, 761 ىمداۋ ءتىلى جانە 133 ساناتوريلىك-كۋرورتتىق ەمدەۋ قىزمەتتەرىن ۇسىنۋشى تىركەلگەن.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, پورتال – مۇگەدەكتىگى بار ادامدارعا وڭالتۋدىڭ تەحنيكالىق قۇرالدارى مەن قىزمەتتەرىن ءوندىرۋشىنى جانە جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەك تۇرىنە تاپسىرىس بەرۋ كورسەتىلەتىن قىزمەتتى الۋشىنىڭ ەلەكتروندىق تسيفرلىق قولتاڭباسىمەن راستاۋ ارقىلى جۇزەگە اسىرىلادى. تاپسىرىس بەرىلگەن وڭالتۋدىڭ تەحنيكالىق قۇرالدارىن جەتكىزۋ نەمەسە ءوز بەتىنشە اكەتۋ ارقىلى الۋعا بولادى.
«پورتالدى پايدالانۋ بويىنشا كونسۋلتاتسيالاردى قولداۋ بايلانىس ورتالىعىنان, ياعني 1414 بىرىڭعاي ءنومىرى ارقىلى حابارلاسۋعا بولادى», دەلىنگەن حابارلامادا.
