«جاستار رەسۋرستىق ورتالىعى» كمم باسشىسىنىڭ ورىنباسارى پەردەبەك سەرجان ۇلىنىڭ مالىمدەۋىنشە, بيىل جۇمىسسىز جاستار مەن NEET ساناتىنداعى جاستاردىڭ ۇلەسىن ازايتۋ ماقساتىندا 12 مەملەكەتتىك باعدارلاما اياسىندا 50 831 جاستى جۇمىسپەن قامتۋ جوسپارلانعان.
جاستارعا ارنالعان مەملەكەتتىك باعدارلامالارمەن 128 636 جاسقا كەڭەس بەرىلدى. وڭىردە بيىلدىڭ ءى توقسان قورىتىندىسى بويىنشا 15-34 جاسقا دەيىنگى جاستار اراسىنداعى جۇمىسسىزدىق دەڭگەيى 1,9% بولدى. ال, NEET ساناتىنداعى جاستار كورسەتكىشى 5,8%-عا تومەندەدى. بۇدان بولەك, وبلىس بويىنشا 132 ەرىكتىلەر ۇيىمدارىندا 18 مىڭنان استام جاس بەلسەندى مۇشە رەتىندە تىركەلگەن.
ەرىكتىلەر جۇمىسىن دامىتۋ باعىتىندا وبلىس كولەمىندە 6 باعىتتان تۇراتىن اۋقىمدى اكتسيالار وتكىزىلدى. ناتيجەسىندە 408 سەنبىلىك وتكىزىلىپ, وعان 197 500-گە جۋىق جاس اتسالىسقان.
