فوتو: okg.kz
ودان بولەك, بىلتىر 22 وبلىستىق پەريناتالدىق ورتالىق قۇرامىندا «ۇرىقتى قورعاۋ ورتالىقتارى» قۇرىلىپ, ونىڭ قۇرامىندا جۇكتى əيەلدەرگە كورسەتىلەتىن مەديتسينالىق كومەكتىڭ قولجەتىمدىلىگىن ارتتىرۋ ماقساتىندا ء«بىر كۇندىك كلينيكا» ۇيىمداستىرىلعان. وندا 100 مىڭنان استام جۇكتى ايەل 500 مىڭعا جۋىق تەكسەرۋدەن ءوتىپ, نəتيجەسىندە ۇرىقتىڭ دامۋ اقاۋلارىن ەرتە انىقتاۋ 13%-عا ارتتى.
دەنساۋلىق ساقتاۋ ءمينيسترى ۇكىمەت وتىرىسىندا سونداي-اق ەلىمىزدە العاش رەت «فەتالدى مەديتسينا» يننوۆاتسيالىق تەحنولوگياسى ەنگىزىلىپ جاتقانىن اتاپ ءوتتى. ونىڭ كومەگىمەن جاتىرىشىلىك 71 وپەراتسيا جاسالىپ, ناتيجەسىندە 96 نارەستەنىڭ ءومىرى ساقتالىپ قالعان. سونىمەن قاتار بيىلدان باستاپ ەمحانالاردا پەدياتريالىق بولىمشەلەر اشىلىپ, 100 دامۋ جانە ەرتە ارالاسۋ ورتالىقتارى جاساقتالعان.
شالعايداعى اۋىلدىق مەكەندەردە تۇراتىن ەرەكشە كۇتىمدى قاجەت ەتەتىن ايەلدەر ءۇشىن «سالاماتتى انا» پانسيوناتتارى اشىلىپ جاتىر. ولار تاۋەكەلى جوعارى قاۋىپ توبىنداعى جۇكتى ايەلدەردى الدىن الا ەمدەۋگە جاتقىزۋعا, سونداي-اق قيىن بوسانۋدان كەيىنگى كەزەڭدە ايەلدەردى وڭالتۋعا ارنالعان. بۇگىندە مۇنداي پانسيوناتتار تۇركىستان, شىعىس قازاقستان, اقمولا وبلىستارىندا جۇمىس ىستەپ تۇر. باسقا وڭىرلەردىڭ اكىمدەرىنە جىل سوڭىنا دەيىن وبلىس ورتالىقتارىندا وسىنداي پانسيونات اشۋ ۇسىنىلىپ وتىر.
