كوللاج: baq.kz
بۇل جاڭالىق ەلىمىزدەگى كولىك يەلەرىنىڭ باسىم بولىگىنە اسەر ەتپەك. ۇلتتىق ستاتيستيكا بيۋروسىنىڭ دەرەگىنشە, قازىر شامامەن 6 ميلليونعا جۋىق كولىك تىركەلسە, سونىڭ 2,5 ميلليونى 20 جىلدان استام ۋاقىتتان بەرى قولدانىستا ءجۇر.
2026 جىلدىڭ 1 قاڭتارىنان باستاپ كولىك سالىعى كولىكتىڭ شىققان جىلىنا جانە قوزعالتقىشىنىڭ كولەمىنە قاراي ەسەپتەلەدى. بۇرىن قوزعالتقىش كولەمى 3-4 ليتر ارالىعىنداعى كولىكتەر ءۇشىن سالىق مولشەرى 35-تەن 66 ايلىق ەسەپتىك كورسەتكىش (اەك) اراسىندا بولسا, ەندى بۇل كورسەتكىش 15 اەك-كە دەيىن قىسقارادى. ال 4 ليتردەن اساتىن قوزعالتقىشى بار كولىكتەر بۇعان دەيىن 500 مىڭنان 800 مىڭ تەڭگەگە دەيىن سالىق تولەپ كەلسە, 2026 جىلدان باستاپ بۇل ساناتتاعى كولىكتەر 117 اەك, ياعني شامامەن 460 مىڭ تەڭگە كولەمىندە سالىق تولەيتىن بولادى.
سونداي-اق كولىكتىڭ شىعارىلعان ۋاقىتىنا قاراي جەڭىلدىكتەر ەنگىزىلەدى: ەگەر كولىككە 11 جىلدان 20 جىلعا دەيىن ۋاقىت وتسە – 30% جەڭىلدىك, ال 21 جىلدان اسسا – 50% جەڭىلدىك بەرىلەدى. مىسالى, بازالىق سالىق مولشەرى 60 مىڭ تەڭگە بولسا, كولىك يەسى 15 جىلدىق كولىك ءۇشىن 42 مىڭ تەڭگە, ال 25 جىلدىق كولىك ءۇشىن 30 مىڭ تەڭگە تولەيدى.
بۇدان بولەك, قۇنى 75 ميلليون تەڭگەدەن اساتىن كولىكتەرگە قوسىمشا 10% كولەمىندە اكتسيز سالىعى ەنگىزىلەدى. بۇل سالىقتى كولىكتى العاش رەت تىركەگەندە نەمەسە قايتا ساتقاندا تولەۋ قاجەت بولادى.
ايتا كەتۋ كەرەك, 2025 جىلعا ارنالعان كولىك سالىعىن 2026 جىلعى 1 ساۋىرگە دەيىن تولەۋ مىندەتتى.
