2018 جىلى قازاقستان مەن رەسەيدىڭ شەكارالىق وڭىرلەرى ىنتىماقتاستىعىنىڭ كەزەكتى ءسامميتى قىزىلجار قالاسىندا وتەتىن بولىپ, وعان كەلەتىن مارتەبەلى قوناقتارعا ارنالعان جيىن وتكىزۋگە وسى عيمارات تۇرعىزىلعان ەدى. سامميتتەن كەيىن عيمارات وقۋشىلار سارايىنا اينالدى. ونى وسى كۇننىڭ سانىمەن اعىلشىن تىلىندە Digital Urpaq (بولاشاق ۇرپاق نەمەسە سوزبە-ءسوز «ساندىق» ۇرپاق) دەپ تە اتايدى.
قازىر بۇل ورىندى وقۋشىلاردىڭ ءىت-تەحنولوگيانى يگەرۋدەگى اۆانگارد ورتالىعى دەۋگە تولىق نەگىز بار. مۇندا جوبالىق زەرتتەۋلەرگە, عىلىمي-تەحنيكالىق شىعارماشىلىققا باسىمدىق بەرىلەدى. تالاپتى وقۋشى بالالارعا اينالىساتىن دۇنيەلەر جەتەرلىك. جۇمىس باعىتتارى قاتارىندا ءىت تەحنولوگيادان باسقا عىلىمي-بيولوگيالىق, كوركەم-ەستەتيكالىق, كوركەم مەكتەپ, بيزنەس مەكتەبى, جۋرناليستيكا جانە مەدياتەحنولوگيا, دەبات كلۋبى جانە كۆن بار. ء«بىز مەكتەپتە بەرىلگەن وقۋ-ءبىلىمدى ورنىقتىرۋعا كومەك بەرەمىز. قوسىمشا ءبىلىم بولاشاق ماماندىق تاڭداۋعا دا جول اشادى. وسىنداي ورتالىق اشىپ بەرگەن جەرگىلىكتى بيلىككە ارقاشان ريزاشىلىعىمىزدى بىلدىرەمىز», دەيدى ورتالىق ديرەكتورى دينا ءابىلماجىنوۆا.
بيىلعى جازعى دەمالىس ايلارى باستالعالى بەرى مۇندا 2 مىڭداي وقۋشى «جازعى اكادەمياعا» قاتىستى. التى ءتۇرلى ماۋسىمنان تۇراتىن ونىڭ تاقىرىپتارى دا ءارتۇرلى. قازىر ء«مىح» اتتى ءتورتىنشى ماۋسىم ءوتىپ جاتىر. سونىڭ ىشىندە «ەلدورادوعا ساپار» اتتى تىلدىك كۆەست دەگەن تاقىرىپ بالالاردى قىزىقتىرا تۇسكەن. مۇندا بالالار قازاق جانە اعىلشىن تىلدەرى بويىنشا عىلىم مەن شىعارماشىلىققا تاربيەلەنەدى. ء«بىز كۆەستى تولىعىمەن اعىلشىن جانە قازاق تىلىندە وتكىزەمىز. ۇستاز بالالارعا اعىلشىن تىلىندە تاپسىرمالار مەن جۇمباقتار ايتادى. بالالار جاۋابىن تەك اعىلشىن نەمەسە قازاق تىلىندە بەرەدى. كەيدە قاتەلەسىپ قالسا جانىنداعى بالالاردان سۇراپ, ءبارى دە تەز ءارى دۇرىس جاۋاپ بەرۋگە تىرىسىپ, تالاسىپ, ايتىسىپ تا جاتادى», دەيدى ديرەكتوردىڭ ءىت جونىندەگى ورىنباسارى دامير مۇستافين.
وسىنىڭ ءوزى بالالاردىڭ قازاق جانە اعىلشىن ءتىلىنىڭ لەكسيكاسىن يگەرۋىنە كومەكتەسەدى ەكەن. وقۋشىلار ساباقتان شىققان سوڭ دا ءبىر-بىرىمەن قازاق جانە اعىلشىن تىلىندە ايتىسىپ بارا جاتاتىن كورىنەدى. سايىپ كەلگەندە, جاستاردىڭ مەملەكەتتىك جانە حالىقارالىق ءتىلدى ەركىن يگەرۋىنە وسىنداي پىكىرسايىستىڭ پايداسى زور.
پەتروپاۆل
