اكتسيا 1 تامىز بەن 30 قىركۇيەك ارالىعىندا وتكىزىلىپ, جەتىم بالالارعا, اتا-اناسىنىڭ قامقورلىعىنسىز قالعان, سونداي-اق الەۋمەتتىك وسال جانە كوپبالالى وتباسىلاردان شىققان وقۋشىلارعا جاڭا وقۋ جىلىنا دايىندىق بارىسىندا قولداۋ كورسەتۋگە باعىتتالعان.
بيىل «جالپىعا مىندەتتى ءبىلىم بەرۋ» قورىنان 60 948 بالاعا قولداۋ كورسەتۋ ءۇشىن 2,8 ملرد تەڭگەدەن استام قاراجات ءبولىندى. ءار بالاعا 46 228 تەڭگە مولشەرىندە كومەك قاراستىرىلعان. بۇل سوما سوڭعى ءۇش جىلداعى كورسەتكىشتەرمەن سالىستىرعاندا 2,5 ەسە ارتىق. بارلىق تولەمدەر 20 تامىزعا دەيىن اتا-انالاردىڭ شوتتارىنا اۋدارىلادى.
مەملەكەتتىك كومەكتەن بولەك, اكتسيا اياسىندا قايىرىمدىلىق جارمەڭكەلەرى ۇيىمداستىرىلىپ, دەمەۋشىلەر ەسەبىنەن كيىم-كەشەك پەن وقۋ قۇرالدارى ۇلەستىرىلۋدە. جەرگىلىكتى كاسىپكەرلەر مەن ەرىكتىلەر بۇل باستامانى بەلسەندى تۇردە قولداپ وتىر.
سالىستىرىپ قاراساق, 2023 جىلى 56 974 بالاعا 2,4 ملرد تەڭگە كولەمىندە كومەك كورسەتىلسە, 2024 جىلى بيۋدجەتتەن تىس قاراجات ەسەبىنەن 20 250 وقۋشى قولداۋعا يە بولعان. بيىل كومەك الۋشىلاردىڭ سانى 60 948 بالاعا جەتىپ وتىر.
«مەكتەپكە جول» اكتسياسى – بۇل تەك قارجىلاي قولداۋ عانا ەمەس, ءاربىر بالانىڭ ءبىلىم الۋ قۇقىعىن قامتاماسىز ەتۋدىڭ جانە قوعامداعى الەۋمەتتىك جاۋاپكەرشىلىكتى ارتتىرۋدىڭ ءتيىمدى تەتىگى.
