قۇرىلىس جۇمىستارىنىڭ باستالۋىنا بايلانىستى كەلەسى شەكتەۋلەر ەنگىزىلەدى:
- جەڭىل اۆتوكولىكتەر ءۇشىن وتكىزۋ ۋاقىتشا توقتاتىلادى;
- قوعامدىق كولىك ءۇشىن شەكارادان ءوتۋ 2025 جىلعى 31 تامىزعا دەيىن ۇزارتىلدى;
- جۇك اۆتوكولىكتەرى ءۇشىن شەكارادان ءوتۋ ەلەكتروندى كەزەك جۇيەسى ارقىلى جۇزەگە اسىرىلادى (تاۋلىگىنە 500 كولىك قۇرالىنا دەيىن).
مەملەكەتتىك شەكارانى وتۋگە ارنالعان بالامالى وتكىزۋ پۋنكتتەرى:
1) «شاعان» (قر) / «تيوپلوە» (رف) - ەكىجاقتى, قازاقستان جانە رەسەي ازاماتتارىنا ارنالعان. KZ07-01 ورال - رف شەكاراسى (شاعان وتكىزۋ پۋنكتى) اۆتوموبيل جولىنىڭ 33 شاقىرىمىندا ورنالاسقان;
2) «اقساي» (قر) / «يلەك» (رف) - حالىقارالىق وتكىزۋ پۋنكتى. KZ07-04 پودستەپنوە - فەدوروۆكا - رف شەكاراسى (اقساي وتكىزۋ پۋنكتى) اۆتوموبيل جولىنىڭ 144 شاقىرىمىندا ورنالاسقان;
3) «تاسقالا» (قر) / «وزينكي» (رف) - حالىقارالىق وتكىزۋ پۋنكتى. KZ07-06 ورال - تاسقالا - رف شەكاراسى (تاسقالا وتكىزۋ پۋنكتى) اۆتوموبيل جولىنىڭ 104 شاقىرىمىندا ورنالاسقان.
«قازاۆتوجول» ۇلتتىق كومپانياسى بارلىق جول پايدالانۋشىلارعا ساپارلارىڭىزدى الدىن الا جوسپارلاپ, اتالعان وتكىزۋ پۋنكتتەرىندە كولىك قارقىندىلىعىنىڭ ءوسۋ مۇمكىندىگىن ەسكەرۋدى سۇرايدى.قۇرىلىس جۇمىستارى بەكىتىلگەن كەستەگە سايكەس جۇرگىزىلەدى.
