جارىسقا قاتىسۋشىلار جەتى سپورت تۇرىنەن (فۋتبول, ۆولەيبول, اسىق اتۋ, توعىزقۇمالاق, گىر تاسىن كوتەرۋ, قول كۇرەسى, ۇستەل تەننيسى) سايىسقا ءتۇستى. سونىمەن قاتار قازاق كۇرەسى, كوكپار, تاي بايگەسى, الامان بايگە سەكىلدى ۇلتتىق سپورتتان جارىس كورىگىن قىزدىردى.
ەكى كۇنگە سوزىلعان سپارتاكيادانىڭ قورىتىندىسىندا كوماندالىق ەسەپتە بيدايىق اۋىلدىق وكرۋگىنىڭ سپورتشىلارى ءبىرىنشى ورىن الدى. جۇلدەلى ەكىنشى ورىندى جاڭاارقا كەنتىنىڭ سپورتشىلارى يەلەنسە, ءۇشىنشى ورىندى قارااعاش اۋىلدىق وكرۋگى قانجىعاسىنا بايلادى. تۇيە بالۋان, تاي بايگەسى, الامان بايگە جۇلدەگەرلەرىنە موتوتسيكل تارتۋ ەتىلدى. جەڭىمپاز بولعان بارلىق سپورتشى گراموتا, مەدال, كۋبوكپەن قاتار, قوماقتى اقشالاي سىيلىققا يە بولدى. جارىس ەرەجەسى بويىنشا ۇزدىك سپورتشىلار مەن مىقتى كوماندالار الداعى ۋاقىتتا وتەتىن وبلىستىق سپارتاكيادادا اۋدان نامىسىن
قورعايدى.
ۇلىتاۋ وبلىسى
