فوتو: اشىق دەرەككوز
«اۆياتسيا سالاسىندا مۇنداي قايعىلى وقيعالار ءجيى تىركەلىپ جاتادى. مۇنداي اپاتتاردى جان-جاقتى زەرتتەپ, ناقتى قورىتىندى جاساۋ وڭاي ەمەس. قازىرگى تاڭدا تەرگەۋگە قاجەتتى بارلىق قۇجاتتار دايىندالىپ جاتىر», دەدى مينيستر جۋرناليستەردىڭ سۇراقتارىنا جاۋاپ بەرە وتىرىپ.
ساۋرانباەۆ «Bek Air كومپانياسىنا قاتىستى قىلمىستىق ءىس قايتا قوزعالا ما؟» دەگەن ساۋالعا قىسقا عانا ء«يا» دەپ جاۋاپ بەردى.
ەستەرىڭىزگە سالا كەتەيىك, 2019 جىلعى 27 جەلتوقساندا Bek Air اۋە كومپانياسىنىڭ الماتىدان نۇر-سۇلتانعا باعىت العان Fokker-100 ۇشاعى ۇشۋ كەزىندە اپاتقا ۇشىراپ, 12 ادام قازا تاپقان ەدى. ۇشاق راداردان جوعالىپ, كەيىن ەكى قاباتتى تۇرعىن ۇيگە سوعىلعانى انىقتالعان. وقيعادان كەيىن كومپانيانىڭ بارلىق ۇشاقتارىنىڭ قىزمەتى توقتاتىلعان بولاتىن.
