وڭتايلاندىرۋعا ىلىككەندەردىڭ قاتارىندا 411 تۇرعىنى بار بايتورىساي, 186 تۇرعىنى بار دميتريەۆكا اۋىلى, 314 تۇرعىنى بار پولتاۆكا اۋىلى, 397 تۇرعىنى بار بايناسساي اۋىلى, 422 تۇرعىنى بار ۆوزنەسەنوۆكا اۋىلى, 384 تۇرعىنى بار قىزىلجار اۋىلى, 197 تۇرعىنى بار شەۆچەنكو اۋىلى, 359 تۇرعىنى بار بورتە اۋىلى, 351 تۇرعىنى بار حازىرەت اۋىلى, 436 تۇرعىنى بار قاراتاۋساي اۋىلى, 515 تۇرعىنى بار اققايىڭ اۋىلى, 290 تۇرعىنى بار قۇرمانساي اۋىلى ىلىككەن.
«شەكارا شەبىندەگى اۋىلداردىڭ مەكتەپتەرىن ىقشامداۋ تۇرعىنداردىڭ جاپپاي كوشۋىنە اكەلىپ سوقتىرادى. مەكتەبى جابىلعان جۇرتتى ۇستاۋ قيىن. بۇل تۇپتەپ كەلگەندە ۇلتتىق قاۋىپسىزدىك ماسەلەسى. ونىڭ ۇستىنە, مەملەكەت باسشىسى ۇلتتىق قۇرىلتايدىڭ IV وتىرىسىندا شەكارالىق ايماقتاردى دامىتۋعا ەرەكشە كوڭىل ءبولۋ قاجەتتىگىن اتاپ ءوتىپ, ناقتى تاپسىرمالار بەردى. وسى ماقساتتا «AMANAT» پارتياسىنىڭ دەپۋتاتتىق فراكتسياسى شەكارالىق ايماقتارعا ارنايى زاڭ قابىلداۋدى ۇسىنىپ وتىر. ءدال قازىرگى ۋاقىتتا قارجى ۇنەمدەۋ ماقساتىندا ەلدىڭ تاعدىرىنا قاتىستى اسىعىس شەشىمدەر قابىلداۋدىڭ قاجەتى جوق. ءبىز بارشا جۇرتشىلىقتى, قوعامدىق ۇيىمدار وكىلدەرىن, بارلىق دەڭگەيدەگى ءماسليحات دەپۋتاتتارىن شەتىن ماسەلەگە نازار اۋدارۋلارىن سۇرايمىز. مەكتەپتەرى وڭتايلاندىرۋعا تۇسەتىن ەلدىمەكەندەر تۇرمىسقا قولايلى, شارۋاعا جايلى, كولىك جولدارىنا دا جاقىن. بىلاي قاراعاندا, ون ەكىسى دە ازىپ تۇرعان اۋىلدار ەمەس. ماسەلەن, ء ۇش ەلدىمەكەننىڭ بالالارى قاتىناپ وقيتىن قۇرمانساي مەكتەبىنە بيىل عانا 270 ملن تەڭگەگە كۇردەلى جوندەۋ جۇرگىزىلدى. ءبىز شەكاراداعى مارتوك اۋدانىنىڭ مەكتەپتەرىن وڭتايلاندىرۋ تىزىمىنەن شىعارۋدى سۇرايمىز», دەيدى «AMANAT» پارتياسى مارتوك اۋداندىق فيليالىنىڭ اتقارۋشى حاتشىسى, اۋداندىق ءماسليحات دەپۋتاتى ءانۋار يسكارين.
اقتوبە وبلىسى
