كىتاپتىڭ تانىستىرىلىمىنا قوعام قايراتكەرلەرى, ەڭبەك اراگەرلەرى مەن ەلىمىزگە بەلگىلى عالىمدار, ولكەتانۋشى, اقىن-جازۋشىلار, جۋرناليستەر قاتىستى.
كىتاپتا ابايدىڭ ادەت پەن عۇرىپتى, حالىقتىڭ ءومىر ءسۇرۋ سالتىن زەرتتەي وتىرىپ قازاق قوعامىنا قاجەتتى زاڭداردى جازعانى تولىق قامتىلعان.
كىتاپ جايىندا «قازاق تاريحي قوعامى» قب باسقارما توراعاسى راديك تەمىرەاليەۆ:
- بۇل تاريحي تاجىريبە ماڭىزدى پراكتيكالىق جانە مورالدىق مانگە يە. ۇلتتىڭ ءوز كۇشىنە جانە مۇمكىندىكتەرىنە سەنبەۋى كوبىنەسە دامۋعا ەلەۋلى كەدەرگى كەلتىرەتىنى جاسىرىن ەمەس. ءوز كەزەگىندە, نيگيليستىك كوڭىل-كۇي كوبىنەسە ءوز تاريحىمەن مادەنيەتىنە دەگەن كوڭىل قالۋشىلىقتان تۋىندايدى. سوندىقتان تاريحي دەرەكتەردى وزەكتەندىرىپ, كەڭىنەن ناسيحاتتاۋ اسا ماڭىزدى. «قازاقتىڭ بيلەر مەكتەبى: مايقىدان ابايعا دەيىن» كىتابى بۇل اعارتۋشىلىق ميسسيانى تولىقتاي ورىندايدى, - دەپ باعا بەردى.
اتالعان ەڭبەكتە قازاق دالاسىنداعى وت اۋىزدى وراق ءتىلدى بابا بيلەردىڭ, دالا زاڭىن ۇستانۋداعى ۇتىمدىلىعى, تاپقىرلىعى سۋرەتتەلەدى.
تاريحىمىزدى تانۋ – اباي ومىرىنە تەرەڭدەپ ۇڭىلۋدەن باستالادى. بۇل شىعارمانىڭ ۇرپاق ساناسىن وياتۋعا تيگىزەر پايداسى زور.
