فوتو:
ەستەرىڭىزگە سالا كەتەيىك, 2020 جىلى توكيو وليمپياداسىندا رۋسلان قۇربانوۆ 1/8 فينالعا دەيىن جەتىپ, قازاقستان تاريحىنداعى ەڭ ۇزدىك ناتيجەنى كورسەتتى. ال 2024 جىلعى پاريج وليمپياداسىنا ەرلەر قۇراماسى العاش رەت كوماندالىق جولداما الىپ, الەمنىڭ ۇزدىك 8 كومانداسى قاتارىنا ەندى. جەكەلەي سىندا رۋسلان قۇربانوۆ شيرەك فينالعا دەيىن جەتىپ, ۇلتتىق رەكوردتى تاعى دا جاڭارتقان.
2023 جىلعى الەم چەمپيوناتىندا قازاقستان قۇراماسى كوماندالىق ەسەپتە العاش رەت قولا مەدال يەلەندى. ال جەكەلەي باسەكەدە رۋسلان قۇربانوۆ جارتىلاي فينالعا شىقتى. 2024 جىلعى ازيا چەمپيوناتىندا قازاقستاندىق سەمسەرشىلەر 9 جىلدان كەيىن العاش رەت كوماندالىق ساپى بويىنشا چەمپيون اتاندى. فينالدا ولار اتاقتى جاپونيا قۇراماسىن جەڭدى. قىلىش باعدارلاماسىندا دا ەرلەر قۇراماسى سەنساتسيالىق تۇردە قولا جۇلدە ەنشىلەدى.
تۋريزم جانە سپورت مينيسترلىگىنىڭ حابارلاۋىنشا, ازيا ويىندارىندا قازاقستاندىق ساپى شەبەرلەرى ۇزاق ۇزىلىستەن كەيىن فينالعا دەيىن جەتكەن. قازىرگى ۋاقىتتا ەرلەر ساپى قۇراماسى الەمدىك رەيتينگتە 5-ورىندا, ال جەكەلەي ەسەپتە رۋسلان قۇربانوۆ 8-ورىندا تۇر.
«بۇگىن سەمسەرلەسۋدەن ۇلتتىق قۇراما ءوز تاريحىنداعى ەڭ ۇزدىك ناتيجەگە قول جەتكىزىپ, الەم چەمپيوناتىنىڭ جارتىلاي فينالىنا شىقتى. قازىرگى الەم چەمپيونى – يتاليا قۇراماسىن جەڭگەن ۇلتتىق قۇراما وكىلدەرى كيريلل پروحودوۆ, رۋسلان قۇربانوۆ, ۆاديم شارلايموۆ جانە ەلمير ءالىمجانوۆ فينال جولداماسى ءۇشىن توكيو وليمپياداسىنىڭ چەمپيونى, پاريج وليمپياداسىنىڭ كۇمىس جۇلدەگەرى جاپونيا سپورتشىلارىمەن شەبەرلىك بايقاسىپ, قارسىلاستارىنا از عانا باسىمدىقپەن جول بەرىپ قويدى», دەلىنگەن حابارلامادا.
ايتا كەتەيىك, قازاقستان ەندى قولا جۇلدە ءۇشىن توعىز دۇركىن وليمپيادا چەمپيونى فرانتسيامەن كەزدەسەدى. فرانتسيا بۇل اتاقتى 1908, 1924, 1932, 1948, 1980, 1988, 2004, 2008 جانە 2016 جىلدارى جەڭىپ العان.
تۋريزم جانە سپورت مينيسترلىگى حالىقارالىق تاجىريبەنى ەنگىزۋ, سپورتشىلاردىڭ كاسىبي دەڭگەيىن ارتتىرۋ, مەدال سانىن كوبەيتۋ جانە سالانى جان-جاقتى دامىتۋ باعىتىندا جۇيەلى جۇمىستى جالعاستىرىپ كەلەدى.
