كوميسساردىڭ ايتۋىنشا, قازىر ەۋروپاداعى كوپىرلەر مەن جولداردىڭ كوبى اسكەري تەحنيكاعا ارنالماعان.
«ەگەر رەسەيمەن سوعىس بولا قالسا, تانك, تەحنيكا مەن اۋىر كولىكتەردى باتىستان شىعىسقا اپارۋ قيىن بولادى. بىزدە جاڭارتۋدى قاجەت ەتەتىن ەسكى كوپىرلەر, كەڭەيتىلۋى ءتيىس تار كوپىرلەر جانە جاڭادان سالىنۋى قاجەت كوپىرلەر بار», دەدى ول.
سوندىقتان ەۋرووداق ەۋروپانى شىعىستان باتىسقا قوساتىن ءتورت نەگىزگى باعىتتاعى 500 نىساندى كوپىر مەن جولدى جاڭعىرتۋدى جوسپارلاپ وتىر. ماقسات اسكەري تەحنيكانى بىرنەشە اپتا ەمەس, بىرنەشە ساعاتتا جەتكىزە الۋ.
بۇل جۇمىستارعا 17 ميلليارد ەۋرو بولىنبەك. دەگەنمەن, Financial Times مالىمەتىنشە, بۇل سوما ازايۋى دا مۇمكىن. سونىمەن قاتار, ەو ۋكرايناعا بەرىلەتىن كومەكتى 100 ميلليارد ەۋروعا دەيىن كوبەيتۋدى جوسپارلاپ وتىر.
