فوتو: اشىق دەرەككوز
ەڭبەك جانە حالىقتى الەۋمەتتىك قورعاۋ مينيسترلىگىنە وبلىس اكىمدىكتەرىمەن بىرلەسىپ, وڭىرلىك جۇمىسپەن قامتۋ كارتالارىندا بەلگىلەنگەن نەگىزگى كورسەتكىشتەردىڭ ورىندالۋىن قامتاماسىز ەتۋ جۇكتەلدى.
ءوڭىر باسشىلارىنا تۇراقتى جۇمىس ورىندارىن اشۋعا ەرەكشە نازار اۋدارا وتىرىپ, جۇمىسپەن قامتۋ بويىنشا قابىلدانعان جوسپارلاردىڭ جۇزەگە اسىرىلۋىن تىكەلەي باقىلاۋدا ۇستاۋ تاپسىرىلدى.
ۇلتتىق ەكونوميكا مينيسترلىگىنە, سالالىق مەملەكەتتىك ورگاندار مەن اكىمدىكتەرمەن بىرلەسە وتىرىپ, 2025–2027 جىلدارى ىسكە اسىرىلاتىن جوبالارعا قاتىستى بارلىق قاجەتتى دەرەكتەردى 1 قىركۇيەككە دەيىن مەملەكەتتىك جوسپارلاۋدىڭ اقپاراتتىق جۇيەسىنە ەنگىزۋ قاجەت. سونىمەن قاتار, كەلەسى جىلدىڭ باسىنان باستاپ حالىقتى جۇمىسپەن قامتۋ كورسەتكىشتەرى بويىنشا اۋدان جانە قالا اكىمدەرىنىڭ قىزمەتىنە KPI جۇيەسى ەنگىزىلۋى ءتيىس.
ال تسيفرلىق دامۋ مينيسترلىگىنە جىل سوڭىنا دەيىن مەملەكەتتىك ورگاندار مەن جەكە سەكتوردىڭ دەرەكتەرىن بىرىكتىرەتىن, جاڭا جۇمىس ورىندارىن اشۋدى باقىلاۋعا مۇمكىندىك بەرەتىن بىرىڭعاي تسيفرلىق پلاتفورما ازىرلەۋ تاپسىرىلدى.
