فوتو: اشىق دەرەككوز
ونىڭ ايتۋىنشا, ماۋسىم ايىنىڭ 16–21 ارالىعىندا قارقارالى وقۋ-گەولوگيالىق پوليگونىندا II «ساتباەۆ» گەولوگيالىق ۋنيۆەرسياداسى ءوتتى. بۇل شاراعا ەلىمىزدىڭ جەتەكشى جوعارى وقۋ ورىندارى مەن سەمەي گەولوگيالىق بارلاۋ كوللەدجىنىڭ 100-دەن استام ستۋدەنتى قاتىسقان.
سونداي-اق شىلدەنىڭ 8–15 ارالىعىندا سەمەي قالاسىندا مەكتەپ وقۋشىلارى اراسىندا II رەسپۋبليكالىق دالالىق گەولوگيالىق وليمپيادا ۇيىمداستىرىلىپ, ەلىمىزدىڭ بارلىق وڭىرىنەن 16 كوماندا باق سىناعان.
يران شارحاننىڭ ايتۋىنشا, مۇنداي ءىس-شارالار جاستاردى ەرتە كاسىبي باعىتتاۋعا, گەولوگيا سالاسىنا قىزىعۋشىلىقتى دامىتۋعا, دارىندى وقۋشىلاردى انىقتاۋعا جانە وتاندىق گەولوگيالىق ءبىلىمنىڭ حالىقارالىق دەڭگەيدەگى ابىرويىن كوتەرۋگە ىقپال ەتەدى.
«مۇنداي ءىس-شارالار ەرتە كاسىبي باعدارلاۋعا, ماماندىققا قىزىعۋشىلىقتى قالىپتاستىرۋعا, دارىندى جاستاردى انىقتاۋعا جانە وتاندىق گەولوگيالىق ءبىلىمنىڭ حالىقارالىق بەدەلىن نىعايتۋعا ىقپال ەتەدى. تاۋ-كەن ءىسى مەن گەولوگيا ماماندىقتارىنا دەگەن قىزىعۋشىلىق ارتۋدا. ەگەر بۇعان دەيىن جىل سايىنعى بىتىرۋشىلەر سانى 1,2 مىڭ ادام بولسا, سوڭعى ەكى جىلدا بۇل كورسەتكىش جىل سايىن 3 مىڭنان اسىپ وتىر. سونىمەن قاتار تۇلەكتەردىڭ 98%-ى ءوز ماماندىعى بويىنشا جۇمىسقا ورنالاسىپ جاتىر», دەدى ۆيتسە-مينيستر.
