مەملەكەت باسشىسىن انكارا قالاسىنىڭ «ەسەنبوعا» حالىقارالىق اۋەجايىندا تۇركيا پرەزيدەنتى رەجەپ تايپ ەردوعان قارسى الدى. قۇرمەت قاراۋىلى ساپ تۇزەپ, ەكى ەلدىڭ تۋى كوتەرىلدى.
اۋەجايدا ەكى ەل كوشباسشىلارى قىسقاشا اڭگىمەلەستى.
– قوناقجايلىق تانىتقانىڭىزعا كوپ راقمەت. اۋەجايعا كەلىپ, مەنى قارسى الدىڭىز. بۇل مەن ءۇشىن ۇلكەن قۇرمەت. ءبىزدىڭ ارامىزدا ەشقانداي تۇيتكىل جوق. ءبىزدى تەك تۋىستىق, ىنتىماقتاستىق بايلانىستىرادى. ەرتەڭ ماڭىزدى ساپار بولادى. ساپاردىڭ باعدارلاماسى وتە مازمۇندى. ونى تولىق ىسكە اسىرامىز دەپ ويلايمىن, – دەدى قاسىم-جومارت توقاەۆ.
ەرتەڭ, 29 شىلدەدە مەملەكەتتەر باسشىلارى قازاق-تۇرىك ستراتەگيالىق سەرىكتەستىگىن نىعايتۋ جولدارىن تالقىلاپ, رەسمي كەلىسسوزدەر جۇرگىزەدى.
