ايتا كەتەيىك, قازۇۋ – رەسەي اۋماعىندا فيليال اشقان العاشقى قازاقستاندىق ۋنيۆەرسيتەت.
كەزدەسۋگە قازاقستان تاراپىنان قر عىلىم جانە جوعارى ءبىلىم ءمينيسترى ساياسات نۇربەك پەن ءال-فارابي اتىنداعى قازۇۋ رەكتورى جانسەيىت تۇيمەباەۆ قاتىستى.
رەسەي تاراپىنان بۇل ءىس-شاراعا رف عىلىم جانە جوعارى ءبىلىم ءمينيسترى ۆالەري فالكوۆ, ومبى وبلىسىنىڭ گۋبەرناتورى ۆيتالي حوتسەنكو, ومبى وبلىسىنىڭ جوعارى ءبىلىم جانە عىلىمي-تەحنولوگيالىق دامۋ ءمينيسترى الەكساندر كولتسوۆ, ف.م.دوستوەۆسكي اتىنداعى ومبى مەملەكەتتىك ۋنيۆەرسيتەتىنىڭ رەكتور مىندەتىن اتقارۋشى يۆان كروتت قاتىستى.
رەسەي فەدەراتسياسىنىڭ پرەمەر-ءمينيسترى ەكى ەل اراسىنداعى ءبىلىم سالاسىنداعى ىنتىماقتاستىقتىڭ ماڭىزدىلىعىن اتاپ ءوتتى.
«قازاقستان پرەزيدەنتى قاسىم-جومارت توقاەۆتىڭ قازاقستاننىڭ دا, رەسەيدىڭ دە ءبىلىم جۇيەسىنە قالاي قارايتىنىن بىلەمىن. رەسەيدىڭ ۇزدىك سەگىز جوعارى وقۋ ورنىنىڭ قازاقستانداعى فيليالدارى – قازاقستان بيلىگىنىڭ ءبىلىم بەرۋ سالاسىنا, ءبىزدىڭ بىرلەسكەن جوبالارىمىزعا دەگەن قارىم-قاتىناسىن كورسەتەدى», دەدى ميحايل ميشۋستين.
قوناقتار قازۇۋ-دىڭ قابىلداۋ كوميسسياسىنىڭ جۇمىسىمەن تانىسىپ, وقۋ كورپۋسى مەن عىلىمي كىتاپحانانى ارالادى.
م.ميشۋستين تانىستىرىلىمنان كەيىن سوعىس جىلدارىندا قازاقستان پرەزيدەنتىنىڭ اكەسى كەمەل توقاەۆ ەم العان ارداگەرلەر گوسپيتالىنە بارىپ كەلگەنىن جەتكىزدى.
كەزدەسۋ بارىسىندا قازۇۋ رەكتورى فيليالدىڭ قۇرىلۋ تاريحىن بايانداسا, مينيستر ساياسات نۇربەك قازاقستانداعى رەسەيلىك جوو فيليالدارىنىڭ قىزمەتى جونىندە مالىمەت بەردى.
قازۇۋ فيليالىنىڭ رەسمي اشىلۋى 2024 جىلعى 27 قاراشادا ەكى ەل پرەزيدەنتتەرىنىڭ قاتىسۋىمەن ءوتتى.
رف ۇكىمەتىنىڭ باسشىسى قازاقستانداعى رەسەيلىك سەگىز فيليالدىڭ تابىستى جۇمىسىنا العىس ءبىلدىرىپ, ومبىدا جەتەكشى قازاقستاندىق ۋنيۆەرسيتەت فيليالىنىڭ اشىلۋىنىڭ ماڭىزدىلىعىن اتاپ ءوتتى. سونداي-اق ول تالاپكەرلەردى قازۇۋ فيليالىنا وقۋعا تۇسۋگە شاقىردى.
قازىرگى ۋاقىتتا قابىلداۋ ناۋقانى اياسىندا قازۇۋ فيليالى باكالاۆرياتتىڭ ءۇش باعىتى بويىنشا ستۋدەنتتەر قابىلداۋدا: فيلولوگيا فاكۋلتەتى – قازاق ءتىلى مەن ادەبيەتى, زاڭ فاكۋلتەتى – كەدەن ءىسى, حالىقارالىق قاتىناستار فاكۋلتەتى – حالىقارالىق قۇقىق. جالپى 200-250 تالاپكەردى قابىلداۋ جوسپارلانىپ وتىر.
