بىلىممەن قاتار مەديتسينا سالاسى دا نازاردا. وتكەن جىلى قامىسقالا اۋىلىندا دارىگەرلىك امبۋلاتوريا, ارقارلى, قوڭىر جانە بيباقان اۋىلدارىندا ءۇش مەديتسينالىق پۋنكت ىسكە قوسىلدى. بيىل تاعى 12 دەنساۋلىق ساقتاۋ نىسانىن اشۋ كوزدەلىپ وتىر, ونىڭ 9-ى «اۋىلداعى دەنساۋلىق ساقتاۋدى جاڭعىرتۋ» ۇلتتىق جوباسى اياسىندا سالىنۋدا.
اۋدانعا ءۇش سانيتارلىق كولىك بەرىلىپ, زاماناۋي مەديتسينالىق قۇرىلعىلار ساتىپ الۋعا قارجى ءبولىندى. قاجەتتى قۇرال-جابدىقتار قازان ايىنا دەيىن جەتكىزىلەدى. سونداي-اق وتكەن جىلى اۋدانعا كەلگەن 9 دارىگەرگە 80 ملن تەڭگە كولەمىندە كوتەرمە جاردەماقى بەرىلىپ, 7 دارىگەرگە تۇرعىن ءۇي ۇسىنىلعان.
سپورت جانە مادەنيەت سالالارىنا دا كوڭىل بولىنۋدە. دوستىق اۋىلىندا دەنە شىنىقتىرۋ-ساۋىقتىرۋ كەشەنى پايدالانۋعا بەرىلسە, بيىل لەپسى اۋىلىندا وسىنداي كەشەن مەن 244 ورىندىق جاتاقحانا قۇرىلىسى اياقتالىپ, قىركۇيەكتە اشىلادى. «اۋىل – ەل بەسىگى» باعدارلاماسى اياسىندا ەكپىندى مەن كولباي اۋىلدارىندا مادەنيەت ۇيلەرى سالىنىپ جاتىر.
2024–2025 جىلدارى الاكول اۋدانىنا ينفراقۇرىلىمدىق جانە الەۋمەتتىك نىساندار قۇرىلىسىنا 41,5 ملرد تەڭگە ءبولىندى. بۇل – وبلىستاعى ەڭ ءىرى بيۋدجەتتەردىڭ ءبىرى. اكىم ءتيىستى مەكەمەلەرگە بولىنگەن قارجىنى ءتيىمدى ءارى ساپالى يگەرۋدى تاپسىردى.
