فوتو: polisia.kz
ءىىم دەرەگىنشە, قىلمىسكەرلەر ينتەرنەت-رەسۋرستاردى جۇيەلى تۇردە پايدالانىپ, جىنىستىق قاناۋعا قاتىستى زاڭسىز قىزمەت تۇرلەرىن جارنامالاپ, جۇرگىزگەن.
ولار ۇيىمداسقان قىلمىسى ارقىلى ميللياردتاعان پايدا تاپقان. الدىن الا دەرەكتەر بويىنشا قىلمىستىق توپتىڭ كۇندەلىكتى تابىسى 1,5 ملن تەڭگەگە دەيىن جەتكەن. ال 2024 جىلدىڭ باسىنان بەرى قارجى اينالىمى 1,7 ملرد تەڭگەدەن اسقان.
ءتىنتۋ بارىسىندا ولاردان اقشا, بانك كارتالارى, اۆتوكولىكتەر, كومپيۋتەرلەر, ۇيالى تەلەفوندار جانە باسقا دا تسيفرلىق اقپارات تاسىمالداعىشتار تاركىلەنگەن. نەگىزگى فيگۋرانتتار مەن ولاردىڭ سىبايلاستارىنا قاتىستى قاماۋعا الۋ تۇرىندەگى بۇلتارتپاۋ شاراسى قولدانىلعان.
ءىىم اتالعان فاكتىلەر بويىنشا قىلمىستىق كودەكستىڭ ادام ساۋداسى مەن ۇيىمداسقان قىلمىستىق توپتى قۇرۋ جانە وعان قاتىسۋ باپتارى بويىنشا سوتقا دەيىنگى تەرگەۋ امالدارى جۇرگىزىلىپ جاتقانىن حابارلادى. مۇنداي قىلمىستار ءۇشىن 12 جىلعا دەيىن باس بوستاندىعىنان ايىرۋ جانە مۇلكىن تاركىلەۋ تۇرىندەگى جازا قاراستىرىلعان.
