«ۇق ۆاليۋتالىق پورتفەلىنىڭ ينۆەستيتسيالىق كىرىسى ءبىر جىلدا 7,59%-دى نەمەسە 4,6 ملرد دوللاردى قۇرادى. كەيىنگى جىلدارى كىرىستىلىكتىڭ وسۋىنە ۇلتتىق بانكتىڭ اكتيۆتەردى كونسەرۆاتيۆتى بولۋدەن نەعۇرلىم تەڭگەرىمدى بولۋگە كوشۋ ناتيجەسىندە, جوعارى كىرىستى قارجى قۇرالدارىنىڭ ۇلەسىن 20%-دان 40%-عا دەيىن ۇلعايتۋى ەسەبىنەن قول جەتكىزىلدى. سونداي-اق 2023 جىلى ۇلتتىق قوردىڭ قۇرامىندا بالامالى قۇرالدار پورتفەلى قالىپتاستىرىلدى. جاڭا قۇرىلىمعا كوشۋ ينۆەستيتسيالاۋدىڭ تيىمدىلىگىن جانە قوردىڭ سىرتقى نارىق تەربەلىستەرىنە توزىمدىلىگىن ارتتىرۋعا مۇمكىندىك بەردى», دەلىنگەن ۇب مالىمدەمەسىندە.
قوردىڭ ۆاليۋتالىق اكتيۆتەرى كولەمىنىڭ جالپى ديناميكاسىنا 2024 جىلى 6,3 ترلن تەڭگە مولشەرىندە قاراجات الۋ وپەراتسيالارى اسەر ەتتى . وسىلايشا, ەسەپتى كەزەڭدە رەسپۋبليكالىق بيۋدجەتكە تىكەلەي ترانسفەرت 5,6 ترلن تەڭگەگە جەتتى. قازاقستاندىق ەميتەنتتەردىڭ قارجى قۇرالدارىن ساتىپ الۋعا تاعى 705 ملرد تەڭگە ءبولىندى: «قازاتومونەركاسىپ» اق اكتسيالارى 467 ملرد تەڭگە, ۇلتتىق ينفراقۇرىلىمدىق جوبالاردى ىسكە اسىرۋ ماقساتىندا «سامۇرىق-قازىنا» وبليگاتسيالارى 238 ملرد تەڭگە كولەمىندە ساتىپ الىندى.
بۇل رەتتە مۇناي سەكتورىنان قورعا تۇسەتىن تۇسىمدەر 2024 جىلى 3,8 ترلن تەڭگەنى قۇرادى.
