فوتو: «قازاۆتوجول»
الدىن الا مالىمەتتەر بويىنشا, Toyota Alphard جۇرگىزۋشىسى جوعارى جىلدامدىقپەن كەلە جاتىپ, جۇك كولىگىن وڭ جاق جولاق ارقىلى باسىپ وزۋعا تىرىسقان. ناتيجەسىندە ول قورشالعان جوندەۋ ايماعىنا شىعىپ كەتىپ, ارنايى تەحنيكامەن سوقتىعىسقان. سالدارىنان اۆتوكولىكتەگى 5 ادام مەن 1 جول جۇمىسشىسى مەرت بولعان.
«قازاۆتوجول» كومپانياسىنىڭ حابارلاۋىنشا, جول ۋچاسكەسىندە جوندەۋ جۇمىستارى ءتيىستى رۇقساتناما نەگىزىندە جۇزەگە اسىرىلىپ جاتقان. سونداي-اق, بارلىق قاجەتتى ۋاقىتشا جول بەلگىلەرى ورناتىلعان.
Toyota Alphard-تى تىزگىندەگەن جۇرگىزۋشى مەن ءبىر جولاۋشى ءتۇرلى جاراقاتتارمەن اۋرۋحاناعا جەتكىزىلگەن. ايماق پوليتسياسى قازىرگى ۋاقىتتا تەرگەۋ جۇرگىزىلىپ, قىلمىستىق ءىس قوزعالعانىن حابارلادى.
