فوتو: اشىق دەرەككوز
جەتىسۋ وبلىستىق پوليتسيا دەپارتامەنتىنىڭ مالىمەتىنشە, جول اپاتى ەسكەلدى بي جانە قابليسا جىراۋ كوشەلەرىنىڭ قيىلىسىندا بولعان.
«الدىن الا دەرەكتەر بويىنشا, جەدەل جاردەم كولىگىنىڭ جۇرگىزۋشىسى باعدارشامنىڭ تىيىم سالىنعان بەلگىسىنە قاراماستان قيىلىسقا شىعىپ كەتىپ, Toyota ماركالى اۆتوكولىكپەن سوقتىعىسقان. جول-كولىك وقيعاسى سالدارىنان جەدەل جاردەم كولىگىنىڭ جۇرگىزۋشىسى مەن جولاۋشىسى اۋرۋحاناعا جەتكىزىلدى. قازىرگى ۋاقىتتا جول قوزعالىسى ەرەجەسىن بۇزعان ادامعا قاتىستى زاڭعا سايكەس پروتسەسسۋالدىق شارالار جۇرگىزىلىپ جاتىر», دەلىنگەن پوليتسيا حابارلاماسىندا.
اتالعان فاكتى بويىنشا ءىس قوزعالعان.
ايتا كەتەيىك, 2025 جىلدىڭ العاشقى جارتىجىلدىعىندا ەلىمىزدە 15 698 جول-كولىك وقيعاسى تىركەلگەن.
