الدىمەن الماتى قالاسىندا قالالىق قۇلاقتاندىرۋ جۇيەسى تەكسەرىلدى – سيرەنا-سويلەۋ سيگنالدارى ەستىلدى, تەلە جانە راديوارنالاردى ۇستاپ قالۋ جۇزەگە اسىرىلدى. «شين-لاين» جشس بازاسىندا اعىپ كەتكەن اممياك حيميالىق اپاتىن جويۋ بويىنشا تاكتيكالىق-ارنايى وقۋ-جاتتىعۋ وتكىزىلدى. وقۋ-جاتتىعۋعا جەكە قۇرامنان 50-دەن استام ادام, 15 بىرلىك تەحنيكا, قۇتقارۋشىلار مەن ءورت سوندىرۋشىلەر جۇمىلدىرىلدى. حيميالىق بارلاۋ, سۋ پەردەسىن جاساۋ جانە ارنايى جابدىقتىڭ كومەگىمەن اعىپ كەتۋدى جويۋ جۇرگىزىلدى. قالانىڭ الەۋمەتتىك نىساندارىندا سەيسميكالىق جاتتىعۋلار, حالىق اراسىندا ءتۇسىندىرۋ جۇمىستارى, اسكەري بولىمشەلەر مەن ۆولونتەرلەردىڭ قاتىسۋىمەن موبيلدىلىگى تومەن توپتاردى ەۆاكۋاتسيالاۋ جۇرگىزىلدى.
ال اقمولا وبلىسىندا (كوكشەتاۋ قالاسىندا) جەر سىلكىنىسىنىڭ سالدارلارىن جويۋ كەزىندەگى كۇشتەردىڭ ءوزارا ءىس-قيمىلىن تەكسەرۋگە باستى نازار اۋدارىلدى. اپاتتىق-قۇتقارۋ ءىس-ارەكەتتەرى, كينولوگتەرمەن ىزدەستىرۋ ءىس-شارالارى جانە بولىمشەلەردىڭ شىعۋ مارشرۋتتارى پىسىقتالدى.
سونداي-اق اتىراۋدا دالالىق شتاب, گوسپيتال, تىركەۋ جانە ۋاقىتشا ورنالاستىرۋ پۋنكتتەرى اشىلدى. اۆياتسيانىڭ كومەگىمەن شارتتى تۇردە زارداپ شەككەندەردى ەۆاكۋاتسيالاۋ, گيدراۆليكالىق جابدىقتى قولدانا وتىرىپ, ۇيىندىلەردەن قۇتقارۋ جۇرگىزىلدى.
الماتى وبلىسىندا وبلىستىق سەيسميكالىق جاتتىعۋلار وتكىزىلدى. تۇرعىن الاپتارى مەن الەۋمەتتىك نىسانداردا ەۆاكۋاتسيالاۋ, شارتتى ءورتتى ءسوندىرۋ, مۇمكىندىگى شەكتەۋلى ازاماتتارعا كومەك كورسەتۋ پىسىقتالدى. بارلىق ءبىلىم بەرۋ جانە دەنساۋلىق ساقتاۋ نىساندارىندا تج كەزىندەگى ءىس-قيمىلدار بويىنشا جاتتىعۋلار ءوتتى.
شىعىس قازاقستان وبلىسىندا قۇتقارۋ ءىس-شارالارىن تاجىريبەلىك پىسىقتاۋ, شاتىرلى لاگەرلەردى ورىستەتۋ, مەديتسينالىق جانە پسيحولوگيالىق كومەكتى ۇيىمداستىرۋ, تەمىرجول ارقىلى ينجەنەرلىك تەحنيكانىڭ كەلۋى جالعاستى.
باتىس قازاقستان وبلىسىندا 684 ادام مەن 196 بىرلىك تەحنيكانىڭ قاتىسۋىمەن 15 پراكتيكالىق ءىس-شارا جۇزەگە اسىرىلدى. ۋاقىتشا ورنالاستىرۋ لاگەرلەرى ورناتىلدى, دەنساۋلىق ساقتاۋ وبەكتىلەرىندە ءىس-قيمىلدار پىسىقتالدى.
وقۋ-جاتتىعۋ قورىتىندىسى بارلىق تارتىلعان قىزمەتتەر ءىس-قيمىلدارىنىڭ دايىندىعى مەن ۇيلەسىمدىلىگىن راستادى. ناقتى توتەنشە جاعدايلار كەزىندەگى جۇمىستى ودان ءارى جەتىلدىرۋ باعىتتارى ايقىندالدى.
