تۋريزم, سىرتقى بايلانىستار جانە كرەاتيۆتى يندۋستريا باسقارماسىنىڭ باسشىسى بەكسۇلتان ءادىلحانوۆتىڭ ايتۋىنشا كرەاتيۆتى ورتالىقتىڭ ماقساتى – شىعارماشىلىق جانە كرەاتيۆتى جوبالاردى ىسكە اسىرۋ, جاڭا يدەيالار مەن تەحنولوگيالاردى قولداۋ, كرەاتيۆتى سالالار اراسىنداعى ءوزارا ارەكەتتەسۋدى كۇشەيتۋ, جاڭا قۇرالدار مەن ءبىلىمدى, تاجىريبەنى قولجەتىمدى ەتۋ, كرەاتيۆتى يندۋستريانىڭ ەكونوميكاداعى ۇلەسىن ارتتىرۋ.
كرەاتيۆتى حابتا «ساق» كينوستۋدياسى, قولونەرشى, ديزاينەر, زەرگەرلەر مەن سۋرەتشىلەر بار. باسقارما باسشىسىنىڭ مالىمدەۋىنشە, «Shymkent Creative Hub»-تا كرەاتيۆتى يندۋستريانى دامىتۋعا, جاڭا يدەيالاردى جۇزەگە اسىرۋعا جانە شىعارماشىلىق جوبالاردى قولداۋعا ارنالعان بىرنەشە فۋنكتسيونالدىق ءبولىم جۇمىس ىستەيدى. اتاپ ايتقاندا, كورمە ايماعى, پوديۋم ايماعى, «ساق» كينوستۋدياسى, جۇمىس ايماعى, شوۋ-رۋم, ءىس-شارالار, كەزدەسۋلەر مەن كونفەرەنتسيالار وتكىزۋگە ارنالعان كونفەرەنتس-زالدار قاراستىرىلعان.
كونتەنت-مەيكەرلەردى قولداۋ ماقساتىندا «Shymkent Creativە Hub» عيماراتىندا شەبەرلىك سىنىبى ۇيىمداستىرىلدى. وندا تانىمال ۆيدەوگراف جانە بلوگەر ادىلەت راحمەتوللا تاجىريبەسىمەن ءبولىسىپ, قاتىسۋشىلارعا كاسىبي دەڭگەيدە كونتەنت جاساۋ تاسىلدەرىن ۇيرەتتى. قاتىسۋشىلار ءۇش كۇندە كونتەنت جاساۋدىڭ زاماناۋي ادىستەرىن ۇيرەنىپ, ءوز شىعارماشىلىق الەۋەتىن ارتتىرۋعا مۇمكىندىك الدى. سونداي-اق ءار قاتىسۋشىعا ءوز كونتەنتىن تۋريزم سالاسىندا قالاي ءتيىمدى جاريالاپ, شىمكەنتتىڭ ەڭ ادەمى جەرلەرىن كورسەتۋگە بولاتىنى تۋرالى كەڭەستەر بەرىلدى. ودان وزگە, «Shymkent Creative HUB» ورتالىعىندا «كرەاتيۆتى يندۋستريانى دامىتۋ: ادامدار, يدەيالار جانە كەڭىستىك» اتتى رەسپۋبليكالىق جيىن ءوتتى. جىل باسىنان بەرى «Shymkent Creative HUB» باستاماسىمەن 16 جارمەڭكە ۇيىمداستىرىلىپ, ىسكەر ازاماتتار تاۋارلارىن ساۋدالاۋ ارقىلى 3 ملن تەڭدەگەن استام پايدا تاپتى. ايتا كەتكەن ءجون, شىمكەنت قالاسىنىڭ كاسىپكەرلەر پالاتاسىنىڭ جانىنان «كرەاتيۆتى يندۋستريا اسسوتسياتسياسى» قۇرىلىپ, بۇگىنگى كۇنى قاۋىمداستىق قۇرامىندا 150-دەن استام كرەاتيۆتى يندۋستريا سۋبەكتىسى تىركەلگەن.
«قازىر كرەاتيۆتى حابتا شىعارماشىلىق سالاسىندا وقيتىن ستۋدەنتتەرگە, جاس كاسىپكەرلەرگە, ينكليۋزيۆتى بالالارعا ارناپ اپتا سايىن شەبەرلىك ساعاتىن, فەستيۆالدار, شىعارماشىلىق كەشتەر, وقۋ-سەمينارلارى مەن ءسان قويىلىمدارىن وتكىزىپ وتىرامىز. سونىمەن بىرگە «ساق» كينوستۋدياسى «توقتى مەن سەركە» تولىقمەترلى انيماتسيالىق ءفيلمىنىڭ ءتۇسىرىلىمىن اياقتاپ, بيىل 3 شىلدەدەن باستاپ ەلىمىزدىڭ بارلىق كينوتەاترىندا كورسەتىلە باستادى», دەدى ب.ءادىلحانوۆ.
ۇكىمەتتىڭ 2023 جىلعى 6 ماۋسىمداعى №448 قاۋلىسىمەن كرەاتيۆتى يندۋسترياعا جاتاتىن 43 ەكونوميكالىق قىزمەت ءتۇرىنىڭ تىزبەسى بەكىتىلگەن. رەسمي ستاتيستيكالىق دەرەكتە بۇگىندە شىمكەنت قالاسىندا كرەاتيۆتى يندۋستريا سالاسىندا ەڭبەك ەتەتىن 2 300 كاسىپكەر تىركەلگەن. ونىڭ ىشىندە 1 824-ءى جەكە تۇلعا بولسا, قالعانى زاڭدى تۇلعا ساناتىنداعى كاسىپكەرلەر دەيدى مامان.
ستاتيستيكا دەپارتامەنتىنىڭ اقپاراتىنا سايكەس 2025 جىلدىڭ 3 ايىندا قالاعا 100 088 تۋريست كەلگەن. شىمكەنتتە بىرجولعى سىيىمدىلىعى 7 938 توسەكتىك ورىندى قۇرايتىن 149 قوناقۇي قىزمەت كورسەتەدى. 2024–2025 جىلدار ارالىعىندا مەگاپوليستە تۋريزم سالاسى بويىنشا 11 ينۆەستيتسيالىق جوبا جۇزەگە اسىرىلادى. ونىڭ 7-ەۋى بىلتىر قولعا الىنىپ, «Kazakh Hotel», «Aurum Hotel», «Diamond Hotel», «Siluet plaza», «Makhambet», «Mir Hotel»,«Cannes Hotel» قوناقۇيلەرىنىڭ قۇرىلىسى ءتامامدالىپ, پايدالانۋعا بەرىلدى. بيىل ساۋىردە ولاردىڭ قاتارىنا «Mardan» قوسىلدى. جىل سوڭىنا دەيىن «التاي», «Zeinnur-Tau», «كەرەمەت» قوناقۇيلەرى اشىلادى. اتالعان جوبالاردىڭ ينۆەستيتسيا كولەمى – 14,5 ملرد تەڭگە. 240 ادامدى تۇراقتى جۇمىس ورنىمەن قامتۋ كوزدەلگەن. سونداي-اق قالادا «Hilton» قوناقۇيىنىڭ قۇرىلىسى ءجۇرىپ جاتىر. جوسپار بويىنشا كەلەسى جىلى پايدالانۋعا بەرىلۋگە ءتيىس. قوناقۇي قۇرىلىسىنا 35 ملن دوللار جۇمسالماق. ناتيجەسىندە, 200 جاڭا جۇمىس ورنى اشىلادى.
باسقارما باسشىسىنىڭ ايتۋىنشا, بادام سۋقويماسى اۋماعىندا «Omir Shymkent» گلەمپينگ جوباسى قولعا الىنىپ جاتىر. ول قالا تۇرعىندارى مەن قوناقتارىنا تابيعات اياسىندا زاماناۋي جانە جايلى دەمالىس ورنىن ۇيىمداستىرۋ, ىشكى ءتۋريزمدى دامىتۋ, ەكولوگيالىق مادەنيەتتى قالىپتاستىرۋ جانە ايماقتىڭ تۋريستىك تارتىمدىلىعىن ارتتىرۋ سەكىلدى ماقساتتاردى كوزدەيدى. سونىمەن قاتار يبراگيم اتا, قاراشاش انا, ءابدىل ءازىز باب, حىزىر مۇناراسى كەسەنەلەرى مەن دەندروساياباق, تسيتادەل تۋريستىك ايماقتارىنا تۋرنيكەتتەر مەن تولقۇجاتتار قويىلدى. ودان بولەك, «سپۋتنيك» گۇلزارى, «تاۋكە حان» داڭعىلى, يلياەۆ كوشەسى جانە «اربات» جاياۋ جۇرگىنشىلەر الاڭىندا «4 – SMART» سانيتارلىق-گيگيەنالىق توراپ ىسكە قوسىلدى. ماماننىڭ سوزىنشە, بۇل تۋريستىك سەرۆيستى جاقسارتۋ ءۇشىن قاجەت. قازىرگى ۋاقىتتا شىمكەنت قالاسىندا 17 تۋريستىك مارشرۋت قىزمەت كورسەتەدى. ولاردىڭ ىشىندە تۇركىستان – تاشكەنت – اقسۋ-جاباعالى – شىمكەنت 4 كۇندىك تۋريستىك مارشرۋتىن تۋريستەر كەڭىنەن قولدانادى. بيىل مامىردا الماتى – تۇركىستان – تاشكەنت – سامارقاند – شىمكەنت – الماتى باعىتىمەن «Jibek joly» تۋريستىك پويىزى العاش رەت شىمكەنت قالاسىندا ايالدادى. قازىر مەگاپوليستەن تىكەلەي ۇشاتىن 12 ىشكى جانە 12 حالىقارالىق اۋە رەيستەرى اشىلعان. «SCAT» اۋە كومپانياسىنىڭ ءۇرىمشى, باكۋ, شانحاي, سەۋل, سيان, بۋداپەشت, كاير, ميۋنحەن قالالارىنا تىكەلەي ۇشاتىن رەيستەرى بار.
«شەتەلدىك تۋريستەرگە 2025 جىلعا ارنالعان ءىس-شارالار كۇنتىزبەسى 3 تىلدە ازىرلەنىپ, تۋريستىك ۇيىمدارعا, مەيرامحانا, قوناق ءۇي جانە تۋريستىك وپەراتور مەن اگەنتتىكتەرگە جولدانىپ, الەۋمەتتىك جەلىلەردە جاريالاندى. شەتەلدىك تۋريستەرگە ارنايى ازىرلەنگەن «كazakhstan.travel» تۋريستىك پورتالىنا كىرۋگە ارنالعان QR-كودتار شىمكەنت قالاسىنىڭ حالىقارالىق اۋەجايى, تەمىرجول ۆوكزالى, اۆتوۆوكزالداردا ورنالاستىرىلدى.
«شىمكەنتتە وسى كۇندە «Visit-shymkent.com» تۋريستىك پورتالى جۇمىس ىستەيدى. سونداي-اق ينتەراكتيۆتى كارتا, تسيفرلىق نىسانداردىڭ «3د-مارشرۋتتارى», قوناقۇي مەن مەرەكەلىك ءىس-شارالارعا بيلەت الۋ نەمەسە برونداۋ جۇيەسىن ەنگىزدىك. بيىل «2گيس» قوسىمشاسىنا تۋريستىك نىسانداردى قوستىق, سايرام تۇرعىن الابىنا 4 اقپاراتتىق ناۆيگاتسيالىق تاقتا ورناتتىق. الماتى, كوكشەتاۋ, وسكەمەن قالالارىندا «Visit Shymkent» تۋريستىك اقپاراتتىق ورتالىعىنىڭ تۋريستىك بۇرىشىن اشتىق», دەدى باسقارما باسشىسى ب.ءادىلحانوۆ.
تۋريزم باسقارماسى جىل سايىن ء«دامداسTour» گاسترونوميالىق فەستيۆالىن ۇيىمداستىرادى. ول از ۋاقىت ىشىندە شاھاردىڭ ءداستۇرلى مەرەكەسىنە اينالىپ ۇلگەردى. اتالعان فەستيۆالدا 50-دەن استام تاماقتاندىرۋ ورنى وزدەرىنىڭ ءدامى ەرەكشە تاعامدارىن كوپشىلىككە ۇسىنادى. مۇنىمەن قوسا شاھاردىڭ تۋريستىك تارتىمدىلىعىن ارتتىرۋعا باعىتتالعان كەزەكتى اقپاراتتىق «Blog tour» ءىس-شاراسى وتكىزىلدى. وعان تۇركيا, ازەربايجان, وزبەكستان, تاجىكستان, رەسەي, ۋكراينا, ءۇندىستان ەلدەرىنەن جانە قازاقستاننىڭ ءار وڭىرىنەن كەلگەن 30-عا جۋىق تانىمال travel-بلوگەر قاتىستى. قالا كۇنى اياسىندا «Drone show» ءىس-شاراسى قولعا الىنىپ, اسپانعا 500 درون ۇشىرىلدى. بۇل ادەمى كورىنىستى 50 مىڭعا جۋىق ادام تاماشالادى.
كوپشىلىكتىڭ ەسىندە قالعان ءىس-شارانىڭ ءبىرى – «اربات» اللەياسىندا وتكەن «Street Food Fest» كوشە تاعامدارى فەستيۆالى. سول ارقىلى قالانىڭ ۇزدىك كوشە تاعامدارى ناسيحاتتالدى. فەستيۆال اياسىندا اسپازدار شەبەرلىك ساعاتتارىن وتكىزدى, ال قولونەرشىلەر كورمە ارقىلى ءوز بۇيىمدارىن تانىستىردى. سونىمەن بىرگە «ميۋنحەن, بۋداپەشت جانە سيان» ءىس-شاراسىنىڭ دا ءتۋريزمدى دامىتۋداعى ماڭىزى ەرەكشە بولدى. سول ارقىلى شىمكەنتتى شەتەلگە تانىستىرۋ ماقساتى قويىلدى. اتالعان قالالارعا تىكەلەي اۋە رەيستەرىنىڭ اشىلۋى وسى ءىس-شارانىڭ وتۋىنە مۇرىندىق بولدى. وعان جالپى سانى 90 اگەنتتىك پەن وپەراتور, قوناقۇي سالاسىنىڭ ماماندارى قاتىستى. باسقارما باسشىسىنىڭ مالىمدەۋىنشە, قالانىڭ تۋريستىك الەۋەتىن ارتتىرىپ, وقيعالى ءتۋريزمدى دامىتۋ ماقساتىندا جىل سوڭىنا دەيىن تۋريستەردى قىزىقتىراتىن يميدجدىك ءىس-شارالار قولعا الىنباق. ولاردىڭ ىشىندە «قىزعالداق جولى», «باتپىراۋىق فەستيۆالى», «جارىق شامدار» سياقتى قىزىقتى فەستيۆالدار بار.
سىرتقى بايلانىستار بويىنشا جىل باسىنان بەرى 25 ديپلوماتيالىق كەزدەسۋ وتكەن. فرانتسيانىڭ قازاقستانداعى توتەنشە جانە وكىلەتتى ەلشىسى سيلۆان گيوگە باستاعان فرانتسۋز كاسىپكەرلەرىمەن بىرگە B2B جانە G2B فورماتىنداعى كەزدەسۋدە قالا اكىمدىگى مەن فرانتسۋز رەسپۋبليكاسىنىڭ قازاقستانداعى ەلشىلىگى اراسىندا 2025–2028 جىلدارعا ارنالعان ىنتىماقتاستىق پەن بىرلەسكەن جوبالاردى دامىتۋ جونىندەگى جول كارتاسىنا قول قويىلدى. سونىمەن قاتار وسى جول كارتاسى اياسىندا ءساۋىر ايىندا پاريج قالاسىندا شىمكەنت كۇندەرى ۇيىمداستىرىلدى. ەۋروپالىق وداقپەن ءوزارا ىنتىماقتاستىقتى نىعايتۋ ماقساتىندا ەۋروپا ەلدەرىنىڭ 18 ەلشىسى العاش رەت شىمكەنت قالاسىنا جۇمىس ساپارىمەن كەلدى. قحر-ءدىڭ قازاقستانداعى ەلشىسى باستاعان 12 قىتايلىق كومپانيا وكىلى شىمكەنتتە ىسساپارمەن بولىپ, شاھاردىڭ ينۆەستيتسيالىق الەۋەتىمەن تانىستى. سونداي-اق باۋىرلاس وش قالاسى مەرىنىڭ ءبىرىنشى ورىنباسارى مەن بيزنەس دەلەگاتسياسى شىمكەنت قالاسىنا ساپارى اياسىندا اكىمدىكپەن بىرگە قىرعىز رەسپۋبليكاسىنىڭ قۇرمەتتى كونسۋلدىعىن اشىپ, بىرقاتار مەموراندۋم ءتۇزدى. بولگاريا پرەزيدەنتىنىڭ قازاقستانعا رەسمي ساپارى بارىسىندا شىمكەنت پەن پلوۆديۆ قالالارى اراسىندا باۋىرلاستىق قارىم-قاتىناس ورناتىلدى.
جوعارىدا اتالعان يگى باستامالاردىڭ جۇزەگە اسۋىنا قالالىق تۋريزم, سىرتقى بايلانىستار جانە كرەاتيۆتى يندۋستريا باسقارماسىنىڭ تارتىمدى يدەيالارى مەن ەڭبەگى ەلەۋلى ۇلەس قوستى.
