قوعامدىق ءتارتىپ پەن جول قاۋىپسىزدىگىن قامتاماسىز ەتۋ ماقساتىندا وڭتۇستىك پوليتسيا ءبولىمىنىڭ قىزمەتكەرلەرى رەيد جۇرگىزگەن. ناتيجەسىندە, جاس جۇرگىزۋشىلەردىڭ تۇنگى مەزگىلدە جارىس ۇيىمداستىرۋدى جيىلەتكەنى بەلگىلى بولدى.
ءتارتىپ ساقشىلارىنىڭ ايتۋىنشا, الاڭداعان تۇرعىنداردان «102» ارناسىنا جانە باسقا دا بايلانىس ارنالارى ارقىلى بىرنەشە شاعىم تۇسكەن.
ماسەلەن, ءبىر ازامات «اۋەجاي اۋدانى ماڭىندا ساعات 22:00–دەن كەيىن جاستار جوعارى جىلدامدىقپەن جارىسادى» دەپ حابارلاعان.
پوليتسيا دەرەۋ اتالعان اۋماققا بارىپ, جول قاۋىپسىزدىگىن بۇزعانداردىڭ ارەكەتىن توقتاتتى. ولارعا قاتىستى اكىمشىلىك حاتتامالار تولتىرىلىپ, ءتيىستى شارالار قابىلداندى.
قۇقىق قورعاۋ ورگاندارى تۇرعىنداردى جول قوزعالىسى ەرەجەلەرىن قاتاڭ ساقتاۋعا, زاڭسىز اۆتوجارىستارعا قاتىسپاۋعا جانە ادام ومىرىنە قاۋىپ توندىرەتىن مانەۆرلەر جاساماۋعا شاقىرادى.
