فوتو: ۆيدەودان سكرين/ باس پروكۋراتۋرا
وتكەن جىلدىڭ قازانىندا كۇدىكتى باسقا اداممەن بىرىگىپ, تانىس كاسىپكەردى كەزدەسۋگە الداپ شاقىرعان. كەزدەسۋ بارىسىندا ونى ەسىنەن تانعانعا دەيىن ۇرىپ-سوعىپ, جالپى قۇنى 40 ملن تەڭگەگە جۋىق مۇلكىن يەمدەنگەن. كەيىن الماتى قالاسىنىڭ سىرتىنا الىپ شىعىپ, ولتىرگەن.
كۇدىكتىلەردىڭ ءبىرى ءىزىن سۋىتپاي ۇستالعان بولاتىن. ال ەكىنشىسى جاسىرىنىپ, وعان حالىقارالىق ىزدەۋ جاريالانعان.
وسى جىلدىڭ قاڭتارىندا ول ازەربايجان اۋماعىندا ۇستالىپ, قازاقستان باس پروكۋراتۋراسىنىڭ سۇراۋى بويىنشا ەلگە ەكستراديتسيالاندى.
قازىرگى ۋاقىتتا ول تەرگەۋ يزولياتورىنا قامالعان.
وسى قىلمىس ءۇشىن ايىپتالۋشىنىڭ مۇلكى تاركىلەنىپ, 20 جىلعا دەيىنگى مەرزىمگە باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ تۇرىندەگى جازالار كوزدەلگەن.
