فوتو: سۋ رەسۋرستارى جانە يرريگاتسيا مينيسترلىگى
ەرەجەدە كورسەتىلگەندەي سۋدى ارنايى پايدالانۋ مەن ورتاق پايدالانۋ اراسىندا ايىرماشىلىق بار. سۋدى ورتاق پايدالانۋ ءۇشىن رۇقسات الۋ تالاپ ەتىلمەيدى, ازاماتتار سۋ نىساندارى جاعالاۋىنا ەركىن وتە الادى. دەمالىس, تۋريزم, شومىلۋ, اۋەسقوي بالىق اۋلاۋ جانە جايىلىم ايماقتاردا مال سۋارۋعا رۇقسات ەتىلەدى.
جەرگىلىكتى اتقارۋشى ورگاندار جاپپاي دەمالىس ايماقتارىن ايقىنداۋعا جانە سول تۋرالى حالىقتى حاباردار ەتۋگە مىندەتتى. كولىك جۋ, جانار-جاعارماي ماتەريالدارىن ساقتاۋ جانە ت.ب. سياقتى سۋ نىساندارىن لاستايتىن ارەكەتتەرگە تىيىم سالىنادى.
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆتىڭ ايتۋىنشا تۋريزم, وزەن-كولدەردە شومىلۋ, بالىق اۋلاۋ, سەرۋەندەۋ – مۇنىڭ ءبارى جاڭا سۋ كودەكسىندە بەكىتىلگەن سۋدى ورتاق پايدالانۋ قۇقىعىنا كىرەدى. ءاربىر ازامات, ەگەر بۇل كاسىپكەرلىك قىزمەتپەن بايلانىستى بولماسا, جەكە ماقساتتارى ءۇشىن سۋدى ورتاق پايدالانۋعا قۇقىلى.
«قورشاۋلار مەن باسقا دا شەكتەۋلەردى ورناتۋعا تىيىم سالىنادى. ەسكەرەتىن تاعى ءبىر جاعداي – بۇل جەرگىلىكتى اتقارۋشى ورگاندار رەسمي تۇردە بەلگىلەگەن ۇيىمداستىرىلعان جاعاجايلاردىڭ جۇمىسىنا قاتىستى. مۇنداي جەرلەردە اقىلى قىزمەتتەر كورسەتىلۋى مۇمكىن, بىراق تولەم سۋعا ءوتۋ ءۇشىن ەمەس, قوسىمشا سەرۆيس ءۇشىن عانا الىنادى», دەدى ن.نۇرجىگىتوۆ.
