جالپى اۋدانى 25 شارشى مەتردى قۇرايتىن قازاق ءۇي اس ءىشۋ, جاتىن ورىندارى, جۇمىس ىستەۋ جانە گيگينالىق بولمەسىنەن تۇرادى. جينالمالى جيھازدار ءبىر ساتتە ءۇيدىڭ ىشىنە ءسان بەرىپ تۇرسا, قاجەت جاعدايدا جيناستىرىپ, بوس كەڭىستىكتى بارىنشا پايدالانۋعا بولادى.
زاماناۋي تەحنولوگيالارمەن جابدىقتالعان قازاق ۇيدە سۋدى بيولوگيالىق تازارتۋ جۇيەسى قوندىرىلعان. قوزعالمالى تەلەسكوپتىق پانەلدەر ارقىلى اۋا رايىنىڭ قۇبىلمالى كەزىندە قاراي ءۇيدىڭ قابىرعاسى مەن توبەسىن اشىپ, جابۋعا بولادى.
كۇن باتارەيالارى 5,3 كۆت ەنەرگيا تاراتادى. ناتيجەسىندە تۇرمىستىق تەحنيكالاردى ءتيىمدى پايدالانۋعا بولادى.
ۇيىمداستىرۋشىلار بۇل جوبانىڭ مادەني قۇندىلىعى جوعارى ەكەنىن ايتادى. قازاق ءۇيدى زاماناۋي جاعدايدا جابدىقتاۋ ارحيتەكتۋرالىق جوبالاردىڭ ۇزدىگى بولۋمەن قاتار, ۇلتتىق ءداستۇر مەن زاماناۋي يدەيالاردىڭ ەرەكشە ۇيلەسىمىن ايشىقتاپ تۇر.
الماتى
