فوتو: nippon.com
سايلاۋ ناتيجەسىندە ايەلدەر 125 ورىننىڭ 33,6%-ىن يەلەنگەن.
جالپى سايلاۋعا 152 ايەل كانديدات قاتىسقان. بۇل 2022 جىلعى رەكوردتىق 181 ۇمىتكەرمەن سالىستىرعاندا از بولعانىمەن, بۇل كورسەتكىش ۇمىتكەرلەردىڭ جالپى سانىنىڭ 29,1%-ىن قۇراعان. ايتا كەتەيىك, جاپونيا ۇكىمەتى 2025 جىلعا قاراي بۇل كورسەتكىشتى 35%-عا جەتكىزۋدى ماقسات ەتكەن.
ەستەرىڭىزگە سالا كەتەيىك, 2022 جىلى ايەل كانديداتتاردىڭ ۇلەسى 33,2% بولىپ, ەل تاريحىنداعى ەڭ جوعارى دەڭگەيگە جەتكەن ەدى.
بيىل ايەل ۇمىتكەرلەردىڭ 102-ءسى وكرۋگتەردەن, ال 50-ءى پارتيالىق ءتىزىم (پروپورتسيونالدى جۇيە) بويىنشا سايلاۋعا تۇسكەن.
Kyodo News اگەنتتىگىنىڭ حابارلاۋىنشا, جاپونيا ءۇشىن ايەلدەردىڭ ساياسي وكىلەتتىلىگىن ارتتىرۋ وزەكتى ماسەلە بولىپ وتىر. دۇنيەجۇزىلىك ەكونوميكالىق فورۋمنىڭ 2025 جىلعى گەندەرلىك تەڭسىزدىك يندەكسىندە جاپونيا 148 ەلدىڭ ىشىندە 118-ورىنعا جايعاستى.
