فوتو: اشىق دەرەككوز
ونىڭ ايتۋىنشا, ەلگە كەلگەن شەتەلدىكتەردىڭ 90 پايىزى – تاۋەلسىز مەملەكەتتەر دوستاستىعىنا (تمد) مۇشە ەلدەردىڭ ازاماتتارى. ەڭ كوپ كەلۋشىلەر وزبەكستاننان (2,8 ملن ادام), قىرعىزستاننان (1,7 ملن ادام) جانە رەسەيدەن (1,5 ملن ادام) تىركەلگەن.
قازىرگى تاڭدا ەلىمىزدە تۇراقتى تىركەۋدە تۇرعان شەتەل ازاماتتارىنىڭ سانى 212 مىڭعا جەتكەن. بۇل كورسەتكىش 2022 جىلمەن سالىستىرعاندا 42 پايىزعا ارتقان. اتاپ ايتقاندا, 2022 جىلى 148 مىڭ شەتەلدىك تىركەلسە, 2025 جىلى بۇل كورسەتكىش 212 مىڭعا وسكەن.
شەتەل ازاماتتارىنىڭ ەڭ كوبى الماتى قالاسىندا (42 مىڭ), الماتى وبلىسىندا (32 مىڭ) جانە استانا قالاسى مەن قاراعاندى وبلىسىندا (ارقايسىندا 17 مىڭنان استام) تىركەلگەن.
سونداي-اق, ۇكىمەت وتىرىسىندا ۆيزا الۋ ءتارتىبى جەڭىلدەتىلگەنى ايتىلدى. قازىرگى تاڭدا 87 ەلدىڭ ازاماتتارى قازاقستانعا ۆيزاسىز كىرە الادى. ال 107 ەلدىڭ ازاماتتارى ءۇشىن ەلەكتروندى ۆيزا راسىمدەۋ قولجەتىمدى. سوڭعى ۋاقىتتا 9 مىڭنان استام ەلەكتروندى ۆيزا بەرىلىپ, مەملەكەت بيۋدجەتىنە 270 ميلليون تەڭگە تۇسكەن.
