فوتو: Oqu-agartu ministrligi
مەكتەپكە دەيىنگى بىلىممەن قامتۋدى ارتتىرۋ قۇرىلىس جۇرگىزۋ, قولدانىستاعى بالاباقشالاردى كەڭەيتۋ, تۇرعىن ۇيلەردىڭ ءبىرىنشى قاباتتارىندا شاعىن ورتالىقتار اشۋ, مەملەكەتتىك ءبىلىم بەرۋ تاپسىرىسىن ورنالاستىرۋ, ونىڭ ىشىندە «اقشا بالاعا بەرىلەدى» قاعيداتى بويىنشا ۆاۋچەرلىك قارجىلاندىرۋ ەسەبىنەن جۇزەگە اسىرىلىپ جاتىر. جاڭا ۆاۋچەرلىك قارجىلاندىرۋ تەتىگى ەلىمىزدىڭ 19 قالاسىندا جانە 7 اۋدانىندا ىسكە اسىرىلعان. ول ارقىلى 300 مىڭعا جۋىق بالا مەكتەپكە دەيىنگى بىلىمگە قول جەتكىزدى, ال كەزەك 44 پايىزعا قىسقارعان.
وقۋ-اعارتۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە العاشقى جارتىجىلدىقتىڭ قورىتىندىسى بويىنشا بيىل ەلىمىزدە 13,2 مىڭ ورىندى قامتيتىن 172 مەكتەپكە دەيىنگى ۇيىم اشىلدى. بۇل 2 جاستان 6 جاسقا دەيىنگى بالالاردىڭ 93,1 پايىزىن مەكتەپكە دەيىنگى بىلىممەن قامتۋعا مۇمكىندىك بەردى.
سونىمەن قاتار مەكتەپكە دەيىنگى ۇيىمدارعا بارمايتىن بالالاردىڭ اتا-انالارىنا ارنالعان كونسۋلتاتسيالىق پۋنكتتەر جەلىسى كەڭەيدى. جىل باسىنان بەرى ولاردىڭ سانى 4,2 مىڭنان 5,5 مىڭعا دەيىن ارتتى.
بۇدان بولەك, 260 مەملەكەتتىك بالاباقشادا جوندەۋ جۇمىستارى جۇرگىزىلىپ جانە ولاردىڭ ماتەريالدىق-تەحنيكالىق بازاسى نىعايتىلىپ جاتىر.
