بوكس كەشى ۆاشينگتون قالاسىندا (پەنسيلۆانيا شتاتى) ءوتتى. ەلەۋسىنوۆ ورتا سالماقتا (72,6 كگ دەيىن) فيليپپيندىك دجەيمس بەيكونعا قارسى جەكپە-جەككە شىقتى.
جەكپە-جەك 2-راۋندتا اياقتالدى. كەزدەسۋ 8 راۋندقا جوسپارلانعان بولاتىن.
بىراق 2-راۋندتا ەلەۋسىنوۆتىڭ اۋىر سوققىسىنان كەيىن قارسىلاسى نوكداۋنعا ءتۇستى.
بەيكون ورنىنان تۇرا المادى — تورەشى تەحنيكالىق نوكاۋت تىركەدى.
بۇل — 34 جاستاعى ەلەۋسىنوۆتىڭ 2020 جىلدان بەرگى اقش-تاعى العاشقى كەزدەسۋى. وسىعان دەيىن سوڭعى رەت ول اقش-تا 2020 جىلدىڭ قاراشاسىندا ونەر كورسەتكەن ەدى.
ەلەۋسىنوۆتىڭ كاسىپقوي رەكوردى:
- قازىرگە دەيىن 13 جەڭىس, ونىڭ 8-ءى – نوكاۋتپەن
- وليمپيادا چەمپيونى (ريو-2016), الەم جانە ازيا چەمپيونى
- ازيا ويىندارىنىڭ جەڭىمپازى
قارسىلاس دجەيمس بەيكون تۋرالى نە بىلەمىز؟
35 جاستاعى فيليپپيندىك بوكسشىنىڭ كاسىبي رەكوردى:
- 26 جەڭىس, ونىڭ 17-ءسى – نوكاۋتپەن
- 6 جەڭىلىس, سونىڭ ىشىندە 3-ەۋى – نوكاۋتپەن
بۇل جەكپە-جەك بەيكون ءۇشىن كەزەكتى ساتسىزدىك بولدى, ال ەلەۋسىنوۆ ءۇشىن جەڭىستى ورالۋ مەن مانسابىنداعى جاڭا كەزەڭنىڭ باستالۋى رەتىندە ەستە قالدى.
