قازاقستاندىق وقۋشىلار الەمدەگى ەڭ بەدەلدى ماتەماتيكالىق وليمپيادادا التى مەدال جەڭىپ الدىفوتو: وقۋ-اعارتۋ مينيسترلىگى
اۋستراليادا وتكەن مەكتەپ وقۋشىلارىنا ارنالعان ەڭ بەدەلدى پاندىك وليمپيادالاردىڭ ءبىرى – ماتەماتيكادان حالىقارالىق وليمپيادادا (International Mathematical Olympiad, IMO-2025) وتاندىق وقۋشىلار التى مەدال جەڭىپ الدى.
بيىل وليمپياداعا 112 ەلدەن 650-گە جۋىق ۇزدىك جاس ماتەماتيك قاتىستى. قازاقستان قۇراماسى تاعى دا ۇزدىكتەر قاتارىنان كورىنىپ, ءتورت كۇمىس جانە ەكى قولا مەدال يەلەندى.
- II ورىن – ميرون يۋركەۆيچ, الماتى قالاسىنداعى Haileybury Almaty مەكتەبىنىڭ 12-سىنىپ وقۋشىسى;
- II ورىن – اميرلان امانجولوۆ, الماتى قالاسىنداعى Haileybury Almaty مەكتەبىنىڭ 11-سىنىپ وقۋشىسى;
- II ورىن – مارعۇلان شارەل, استانا قالاسىنداعى Spectrum International School مەكتەبىنىڭ 11-سىنىپ وقۋشىسى;
- II ورىن – امير ساحيپوۆ, الماتى قالاسىنداعى رفمم مەكتەبىنىڭ 11-سىنىپ وقۋشىسى;
- III ورىن – ەراسىل التىنبەك, الماتى قالاسىنداعى Nurorda مەكتەبىنىڭ 10-سىنىپ وقۋشىسى;
- III ورىن – ەرقانات كەنشىلىك, اقتوبە وبلىسىنداعى ء"بىلىم-يننوۆاتسيا" ليتسەي-ينتەرناتىنىڭ 11-سىنىپ وقۋشىسى.
ۇلتتىق قۇرامانىڭ عىلىمي جەتەكشىلەرى – PhD دوكتورى اسىلبەك يساحوۆ پەن حالىقارالىق وليمپيادالاردىڭ جەڭىمپازى كانات ساتىلحانوۆ.
وقۋشىلارىمىزدى, ولاردىڭ ۇستازدارى مەن اتا-انالارىن لايىقتى جەڭىسىمەن جانە وليمپيادالىق ماۋسىمنىڭ تابىستى جالعاسۋىمەن شىن جۇرەكتەن قۇتتىقتايمىز!
انىقتاما ءۇشىن: IMO وليمپياداسى 1959 جىلدان بەرى وتكىزىلىپ كەلەدى جانە ول الەمدەگى ەڭ بەدەلدى جەتى پاندىك وليمپيادانىڭ قاتارىنا كىرەدى (International Science Olympiads). قازاقستان بۇل جارىسقا 1993 جىلدان بەرى قاتىسىپ كەلەدى. وسى ۋاقىت ىشىندە ۇلتتىق قۇراما 16 التىن, 55 كۇمىس, 81 قولا مەدال جانە 29 قۇرمەت گراموتاسىن جەڭىپ العان.
