قۇجاتتىڭ باستى ەرەكشەلىگى مۇنداي باعدارلاما ەلىمىزدە تۇڭعىش رەت ازىرلەنىپ وتىر. كەلەشەكتە بۇل باستاما باسقا دا وڭىرلەردە قولدانىلماقشى. باعدارلاما ايماقتاردا دەنساۋلىق ساقتاۋ جۇيەسىن ۇيىمداستىرۋ مەن جەتىلدىرۋگە باعىتتالعان كەشەندى ءتاسىل بولماق.
باعدارلامادا كورسەتىلگەن ماقساتتارعا سايكەس, شىمكەنتتە دەنساۋلىق ساقتاۋدىڭ سوڭعى ستاندارت ۇلگىسىنە ساي كەلەتىن زاماناۋي كلينيكالار سالىنادى. اتاپ ايتقاندا, قالالىق پەريناتالدىق ورتالىق, قالالىق كوپبەيىندى ەكى اۋرۋحانا, مەملەكەتتىك جەكەمەنشىك ارىپتەستىك اياسىندا بەس ەمحانا بوي كوتەرەدى.
شىمكەنت جوعارى مەديتسينالىق كوللەدجى زاماناۋي ۆيرتۋالدى سيمۋلياتسيالىق جابدىقتارمەن, ترەناجەر كەشەندەرىمەن, ينتەراكتيۆتى جۇيەلەرمەن جابدىقتالادى.
بيىل مامىر ايىندا قالالىق دەنساۋلىق ساقتاۋ باسقارماسى ەلىمىزدەگى 13 جەتەكشى عىلىمي-زەرتتەۋ ينستيتۋتتارىمەن, عىلىمي ورتالىقتارىمەن ىنتىماقتاستىق جونىندە مەموراندۋمعا قول قويدى. كەڭ كولەمدى كەلىسىم جەرگىلىكتى ەمدەۋ مەكەمەلەرىنە جوعارى تەحنولوگيالاردى ەنگىزۋگە, كۇردەلى حيرۋرگيالىق وپەراتسيالاردى جۇرگىزۋگە, مەديتسينالىق ءتۋريزمدى دامىتۋعا مۇمكىندىك بەرەدى.
سونىمەن بىرگە باعدارلاما اياسىندا ءتۇرلى عىلىمي زەرتتەۋ جۇمىستارى جۇرگىزىلەدى. وعان بالالاردىڭ سەمىزدىگىن قاداعالاۋ (COSI), مەكتەپ جاسىنداعى بالالاردىڭ دەنساۋلىققا قاتىستى مىنەز-قۇلقىن باقىلاۋ, پاتروناجدىق قىزمەتتى باعالاۋ, باسقا دا زەرتتەۋلەر كىرەدى.
سونداي-اق كەلەشەكتە قالاداعى بارلىق مەكتەپتەردە ستوماتولوگيالىق كابينەتتەر اشىلادى. ايەلدەردى انا بولۋعا دايارلاۋ جۇمىسى كۇشەيتىلەدى. ول جۇكتىلىك كەزىندەگى اسقىنۋلاردى ازايتۋعا, اۋىر جاعدايلاردى تومەندەتۋگە كومەگىن تيگىزەدى. ودان بولەك,
12 سالاعا بولىنەتىن 31 قۇزىرەتتىلىك ورتالىعى, 2 سكرينينگتىك عيمارات, 2 امبۋلاتوريالىق ونكولوگيالىق كومەك مەكەمەسى بوي كوتەرەدى. بۇگىندە قالالىق دەنساۋلىق ساقتاۋ باسقارماسى جانىنان «احۋالدىق تالداۋ ورتالىعى» ىسكە قوسىلدى. سونىڭ ناتيجەسىندە بارلىق ەمحانالاردا «شۇعىل مەديتسينالىق كومەك بولمەسى» ءوز جۇمىسىن باستادى.
باعدارلامانى ىسكە اسىرۋ ارقىلى مەگاپوليستىڭ دەنساۋلىق ساقتاۋ جۇيەسىن, ەم-شارا قىزمەتىن استانا مەن الماتى قالالارىنىڭ جەتەكشى مەديتسينالىق ورتالىقتارىنىڭ دەڭگەيىنە كوتەرۋ كوزدەلىپ وتىر. جاڭا تالاپتارعا سايكەس, 2029 جىلعا قاراي حالىقتىڭ ورتاشا ءومىر ءسۇرۋ ۇزاقتىعىن 79,1 جاسقا دەيىن ارتتىرۋ, سالاماتتى ءومىر سالتىن ۇستاناتىن ازاماتتار ۇلەسىن
60%-عا جەتكىزۋ, مەديتسينالىق قىزمەتتەردىڭ قولجەتىمدىلىگى مەن ساپاسىن 80% ۇلعايتۋ مىندەتتەرى قويىلعان.
«سونداي-اق دامۋ جانە ەرتە ارالاسۋ ورتالىقتارى قۇرىلىپ, امبەباپ پروگرەسسيۆتى پاتروناجدىق ءادىس جاقسارتىلادى. ودان بولەك, مەملەكەتتىك-جەكەمەنشىك ارىپتەستىك اياسىندا جاڭا جوبالار ىسكە اسىرىلىپ, دەنساۋلىق ساقتاۋ سالاسىنا مولىنان ينۆەستيتسيا تارتىلادى دەگەن جوسپار بار. مەگاپوليستىڭ دەنساۋلىق ساقتاۋ سالاسىنا جاۋاپتى مەكەمەسى مەديتسينالىق تسيفرلاندىرۋدى, جاساندى ينتەللەكت پەن زاماناۋي تەحنولوگيالاردى, روبوتتەحنيكانى دامىتۋعا كوڭىل بولە باستادى. مۇنىمەن قوسا مەديتسينالىق ۇيىمداردىڭ ۇلتتىق اككرەديتاتسيادان ءوتۋىن 95%-عا جەتكىزۋ ماقساتى قويىلىپ وتىر. سونىمەن بىرگە الداعى ءتورت جىلدا شىمكەنتتە مەديتسينالىق ءتۋريزمدى وركەندەتۋگە ناقتى قادامدار جاسالادى», دەدى قالالىق دەنساۋلىق ساقتاۋ باسقارماسى باسشىسىنىڭ ۋاقىتشا مىندەتىن اتقارۋشى ساۋلە دۇيسەباەۆا.
قورىتا كەلگەندە, مەگاپوليس مەديتسيناسى قارقىندى دامىپ كەلەدى. ەمدىك قىزمەت ساپاسىنىڭ ارتۋىنا بايلانىستى حالىقتىڭ كوپشىلىگى اق حالاتتى ابزال جانداردىڭ جۇمىسىنا ريزا.
ەمدەۋ مەكەمەلەرىنىڭ كەيىنگى ۇلگىدەگى قۇرالدارمەن جابدىقتالۋى, دارىگەرلەردىڭ كاسىبي شىڭدالۋى وڭىردە مەديتسينالىق ءتۋريزمدى دامىتۋعا ۇلكەن سەپتىگىن تيگىزىپ وتىر. ماسەلەن, وتكەن جىلى شەتەلدەردەن شىمكەنتكە ەم ىزدەپ كەلگەن ناۋقاستار سانى 100-دەن اسقان. شىمكەنتتىك دارىگەرلەر بۇگىندە رەسپۋبليكالىق كلينيكالار جاسايتىن كۇردەلى وپەراتسيالاردى شەبەر مەڭگەرگەن. سونىڭ ناتيجەسىندە, مەگاپوليستە جۇرەك الماستىرۋ, گينەكولوگيالىق, نەيروحيرۋرگيالىق اۋىر وپەراتسيالار ءساتتى جاسالىپ جاتىر. بىرقاتار دارىگەر شەتەلگە وقۋعا بارىپ, تاجىريبە الماسىپ قايتتى. شەتەلدەن دە قانشاما بىلىكتى مامان كەلىپ, شەبەرلىك سىنىپتارىن وتكىزىپ ءجۇر. وسىنىڭ بارلىعى قالانىڭ دەنساۋلىق ساقتاۋ سالاسىنىڭ ساپا تۇرعىسىنان جوعارى ساتىعا كوتەرىلۋىنە ۇلكەن كومەگىن تيگىزىپ جاتىر. سونداي-اق شىمكەنت ادام اعزاسىنىڭ ترانسپلانتاتسياسى جونىندە ەلىمىزدە ورتالىق ايماقتاردىڭ بىرىنە كىرەدى. باۋىر, بۇيرەك الماستىرۋ وپەراتسيالارى شاھاردا قازىر جاڭالىق بولۋدان قالدى. سول تۇرعىدا وڭىرلىك جاڭا باعدارلاما ىسكە اسقان جاعدايدا قالا مەديتسيناسىن بۇدان دا ۇلكەن جەتىستىكتەر كۇتىپ تۇر دەپ زور سەنىممەن ايتۋعا بولادى.
ەمدەۋ مەكەمەلەرىنىڭ كەيىنگى ۇلگىدەگى قۇرالدارمەن جابدىقتالۋى, دارىگەرلەردىڭ كاسىبي شىڭدالۋى وڭىردە مەديتسينالىق ءتۋريزمدى دامىتۋعا ۇلكەن سەپتىگىن تيگىزىپ وتىر. ماسەلەن, وتكەن جىلى شەتەلدەردەن شىمكەنتكە ەم ىزدەپ كەلگەن ناۋقاستار سانى 100-دەن اسقان.
