فوتو: كوللاجدى جاساعان تولعاناي باتىرحان/ egemen.kz
قازاقستاننىڭ ءباا-دەگى ەلشىسىنىڭ بۇرىنعى كەڭەسشىسىنە ايەلىن جۇيەلى تۇردە ۇرىپ-سوعۋ ارقىلى, دەنساۋلىققا اۋىر نەمەسە ورتاشا اۋىر زيان كەلتىرمەي, ماتەريالدىق تاۋەلدىلىكتە بولعان ادامعا ءتان جانە پسيحيكالىق ازاپ كەلتىرگەنى ءۇشىن ايىپ تاعىلعان.
ساكەن ماماش زاڭدى نەكەدە تۇرعان جۇبايىنا بەرىلگەن قاراجاتتى ءوزى الىپ, ءۇي شارۋاسىنا قاتىستى بارلىق شىعىنداردى قارجىلاندىرىپ وتىرعان.
سونداي-اق ايىپتالۋشى كارينا ماماشقا تۋىستارى مەن قۇربىلارىمەن ارالاسۋعا تىيىم سالىپ, ونىڭ قوڭىراۋلارى مەن حات-حابارلارىن, ءجۇرىس-تۇرىسىن باقىلاپ وتىرعان.
«جالعان قىزعانىشتىڭ نەگىزىندە, مەملەكەتتىك قىزمەتكەر رەتىندە انت قابىلداعان م. 2019–2024 جىلدار ارالىعىندا, استانادا جانە كەيىننەن ءباا, ابۋ-دابيدە جۇرگەن كەزىندە جۇيەلى تۇردە كۇش قولدانعان ياعني جۇدىرىقپەن دەنەسىنىڭ ءتۇرلى جەرلەرىنە جانە باسىنا دەنە جاراقاتتارىن سالعان. سوتتالۋشىنىڭ كىناسى جابىرلەنۋشىنىڭ, كۋالاردىڭ ايعاقتارىمەن, ساراپتامالىق قورىتىندىلارمەن, بەينەجازبالارمەن, سكرينشوتتارمەن جانە وزگە دە ءىستىڭ ماتەريالدارىمەن دالەلدەندى», دەلىنگەن استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ حابارلاماسىندا.
دەسە دە سوتتالۋشى كىناسىن مويىنداماي, اقتاۋدى سۇراعان. سوت جازا تاعايىنداۋ كەزىندە جەڭىلدەتەتىن ءمان-جايلاردىڭ جوقتىعىن, ال اۋىرلاتاتىن ءمان-جاي رەتىندە سوتتالۋشىنىڭ ءوزى قابىلداعان انتتى بۇزىپ, قۇقىق بۇزۋشىلىق جاساعانىن ەسكەرىپ 6 جىلعا باس بوستاندىعىنان ايىرۋ جازاسىن تاعايىندادى.
ۇكىم زاڭدى كۇشىنە ەنگەن جوق.
