فوتو: Atyrau online
«اكىمدىك اتىراۋ قالاسىنداعى «جەڭىس» ساياباعىندا ۇوس باتىرلارىنا ارنالعان 14 ءمۇسىن جاساۋ ءۇشىن دەمەۋشىلەر مەن مەردىگەرلەردى تارتقان. ايىپتالۋشى مەردىگەر بولا تۇرا مۇسىندەر جاساۋ كەزىندە قۇرىلىس نورمالارىن بۇزعان. ناتيجەسىندە ءمۇسىننىڭ بىرەۋى ەكى جاس بالا مەن ولاردىڭ اكەسىنىڭ ۇستىنە قۇلاعان», دەپ اقپارات تاراتتى سوتتان.
سوت ايىپتالۋشىنىڭ ارەكەتىن قىلمىستىق كودەكتىڭ 279-بابىنىڭ 1-بولىگىمەن (ساۋلەت, قالا قۇرىلىسى جانە قۇرىلىس قىزمەتى سالاسىنداعى قاعيدالاردى نەمەسە نورماتيۆتەردىڭ تالاپتارىن ابايسىزدا ادام ولiمiنە نەمەسە وزگە دە اۋىر زارداپتارعا اكەپ سوققان بۇزۋ) قايتا سارالادى. ال ايىپتالۋشىنىڭ كىناسى كۋاگەرلەردىڭ ايعاقتارىمەن, بەينەجازبالارمەن, ساراپشىنىڭ قورىتىندىسىمەن دالەلدەنگەن.
پروكۋرور ايىپتالۋشىنى 4 جىلعا باس بوستاندىعىنان ايىرۋدى ۇسىندى. ال, سوتتالۋشى كىناسىن مويىندامادى. جابىرلەنۋشى تاراپ ايىپتالۋشىعا قاتاڭ جازا تاعايىنداۋدى سۇرادى.
«سوت ۇكىمىمەن ب. ەسىمدى ازامات قىلمىستىق كودەكتىڭ 279-بابىنىڭ 1-بولىگىمەن كىنالى دەپ تانىلدى. وعان ساۋلەت, قالا قۇرىلىسى جانە قۇرىلىس قىزمەتىمەن اينالىسۋ قۇقىعىنان 3 جىل, باس بوستاندىعىن 3 جىل مەرزىمگە ايىرۋ جازاسى تاعايىندالدى. راقىمشىلىق جاساۋ اكتىسى نەگىزىندە 1 جىل 6 اي مەرزىمگە باس بوستاندىعىنان ايىرۋ تۇرىندەگى تۇپكىلىكتى جازا بەلگىلەندى. سوتتالۋشىدان ءاربىر جابىرلەنۋشىنىڭ پايداسىنا مورالدىق زياننىڭ وتەماقىسى رەتىندە 10 ملن تەڭگەدەن, ەمدەلۋگە جۇمسالعان شىعىندار ءوندىرىپ الىندى», دەپ مالىمدەدى اتالعان سوتتان.
سوت ۇكىمى زاڭدى كۇشىنە ەنگەن جوق.
