فوتو: دەنساۋلىق ساقتاۋ مينيسترلىگى
دەنساۋلىق ساقتاۋ مينيسترلىگىنىڭ مالىمەتىنشە, تەستىلەۋ قورىتىندىسى بويىنشا ەڭ جوعارى ورتاشا بالدى باتىس قازاقستان جوعارى مەديتسينالىق كوللەدجى (85,9 بالل), ج.تىلەۋلين اتىنداعى سولتۇستىك قازاقستان جوعارى مەديتسينالىق كوللەدجى (85,5 بالل), رەسپۋبليكالىق جوعارى مەديتسينالىق كوللەدج (84,6 بالل), «مەير-بەيس» جوعارى كوللەدجى (84,2 بالل), بالقاش قالاسىنىڭ مەديتسينالىق كوللەدجى (83,8 بالل) كورسەتتى.
اتالعان ناتيجەلەر دەنساۋلىق ساقتاۋ سالاسىنداعى تەحنيكالىق جانە كاسىپتىك ءبىلىم بەرۋ جۇيەسىندە ماماندار دايارلاۋدىڭ تۇراقتى ساپاسىن راستايدى.
«قازاقستاندا مەملەكەتتىك ەمتيحان 16 ماۋسىم مەن 2 شىلدە ارالىعىندا وتكىزىلدى. قورىتىندى اتتەستاتتاۋدان مەديتسينالىق كوللەدجدەردىڭ 28 918 تۇلەگى ءوتتى, ونىڭ ىشىندە 25 (26,6 %) مەملەكەتتىك جانە 69 (73,4 %) جەكەمەنشىك. قازاق تىلىندە 20 856 تۇلەك, ورىس تىلىندە – 8062 تۇلەك سىنالدى», دەپ مالىمدەدى اتالعان مينيسترلىك.
تجكب تۇلەكتەرىن قورىتىندى اتتەستاتتاۋ ەكى كەزەڭدە ءوتتى: 100 تەست سۇراقتارىنان تۇراتىن تاپسىرما ارقىلى ءبىلىمدى اۆتوماتتاندىرىلعان تۇردە باعالاۋ جانە 5 كلينيكالىق نەمەسە پراكتيكالىق ستانتسيادا داعدىلاردى باعالاۋ.
