ءىس-شاراعا قازاقستان رەسپۋبليكاسى پارلامەنت ءماجىلىسىنىڭ دەپۋتاتى نۇرتاي سابيليانوۆ, اباي وبلىسىنىڭ مادەنيەت, تىلدەردى دامىتۋ جانە ارحيۆ ءىسى باسقارماسىنىڭ باسشىسى جانجىگىت ومارحان, «امانات» پارتياسى اباي وبلىستىق فيليالىنىڭ توراعاسى ايدار سادىرباەۆ جانە باسقا دا قوعام بەلسەندىلەرى قاتىستى.
ۇلتتىق رۋح پەن ونەر توعىسقان فەستيۆال بارىسىندا «تولاعاي تۇلپارى» اتتى 80 شاقىرىمدىق ۇلى الامان, الامان بايگە, توپ بايگە, تاي جارىس, كوماندالىق كوكپار ويىندارى سىندى ۇلتتىق سپورت تۇرلەرىنەن جارىستار ۇيىمداستىرىلدى. ءدۇبىرلى دوداعا ەلىمىزدىڭ تۇكپىر-تۇكپىرىنەن بابى كەلىسكەن كىل جۇيرىك 174 تۇلپار ( ۇلى الامان – 61 جۇيرىك, تاي جارىسى 42 جۇيرىك, توپ بايگە 38 جۇيرىك, الامان – 33 جۇيرىك) قاتىستى.
ۇلى اقىن تويىنا «كوكپەكتى» اۋىل شارۋاشىلىق قورى تارتۋ جاساپ, اباي اۋدانىنا «Chevrolet Monza» اۆتوكولىگىنىڭ كىلتىن تابىستادى.
اۋقىمدى شارا ەسترادا جۇلدىزدارىنىڭ قاتىسۋىمەن وتكەن گالا-كونتسەرتپەن قورىتىندىلاندى. جالپى ءىس-شاراعا 10 مىڭنان استام كورەرمەن قاتىستى.
ايتا كەتەيىك, فەستيۆال بارىسىندا وتكەن سپورتتىق دودالاردىڭ جۇلدە قورى باس جۇلدەگە بەرىلگەن 3 اۆتوكولىكتەن بولەك, 15 ملن تەڭگە كولەمىندە اقشالاي سىيلىقتى قۇرادى.
