فوتو: سۋ رەسۋرستارى جانە يرريگاتسيا مينيسترلىگى
سۋ رەسۋرستارى جانە يرريگاتسيا مينيسترلىگىنىڭ مالىمەتىنشە بيىل قاپشاعاي سۋ قويماسىنان كولگە جالپى كولەمى 12 ملرد تەكشە مەتر سۋ جىبەرۋ جوسپارلانىپ وتىر. بالقاشتاعى سۋ كولەمى نەگىزىنەن ترانسشەكارالىق ىلە وزەنىنە بايلانىستى, ال ونىڭ اعىسىن قاپشاعاي سۋ قويماسى رەتتەپ وتىرادى. بيىل اتالعان سۋ قويماسى قاتارىنان ەكىنشى جىل 100% تولدى. بىلتىر بۇل نىسان سوڭعى 10 جىلدان كەيىن العاش رەت 100% تولعانى ءمالىم. قاپشاعاي سۋ قويماسىنىڭ تولۋى الماتى وبلىسىنداعى اقدالا مەن شەڭگەلدى سۋارمالى القاپتارىن ۆەگەتاتسيالىق كەزەڭدە سۋمەن تولىق قامتاماسىز ەتۋگە مۇمكىندىك بەردى.
«بالقاشتى ساقتاۋ ماسەلەسىنە ەرەكشە كوڭىل ءبولىنىپ وتىر. بيىل فرانتسۋز عىلىمي كونسورتسيۋمىمەن بىرلەسىپ ۇيىمداستىرىلعان كول باسسەينىن زەرتتەۋ ماقساتىندا اۋقىمدى دالالىق ەكسپەديتسيا وتكەن بولاتىن. فرانتسۋز ساراپشىلارىمەن بىرلەسىپ جۇرگىزىلىپ جاتقان جۇمىس 2040 جىلعا دەيىنگى بولجاممەن بالقاش كولىن ساقتاۋ بويىنشا ماستەر-جوسپار ازىرلەۋگە باعىتتالعان. بۇل – بىلتىر فرانتسيانىڭ دامۋ اگەنتتىگى جانە گەولوگيالىق جانە تاۋ-كەن زەرتتەۋلەرى بيۋروسىمەن بىرگە قول قويعان ۇشجاقتى كەلىسىم اياسىنداعى جۇمىس», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
