فوتو: اشىق دەرەككوز
باعدارلاماعا قاتىسۋ ءۇشىن نەكە قيىلعانىنا 5 جىلدان اسپاۋى ءتيىس. جۇبايلاردىڭ جاسى ماڭىزدى ەمەس. جوبا شەڭبەرىندە پاتەر نەمەسە ءۇي ساتىپ الۋعا, ءۇي سالۋعا جەر الۋعا, جوندەۋ جۇمىستارىنا نەسيە راسىمدەۋگە بولادى. قارىز سوماسى 100 ميلليون تەڭگەگە دەيىن جەتەدى. يپوتەكانىڭ باستاپقى مولشەرلەمەسى – 6 پايىز, كەيىن 5 نەمەسە 3,7 پايىزعا دەيىن تومەندەتىلەدى.
الدىمەن باعدارلاما بويىنشا ارنايى دەپوزيت اشۋ قاجەت. بۇعان دەيىنگى جيناق ەسەپكە الىنبايدى, تەك جاڭادان اشىلعان شوت جارامدى. ەكى جۇبايدىڭ دا شوت اشۋعا قۇقىعى بار, بىراق كەيىن شوتتار بىرىكتىرىلۋى ءتيىس.
يپوتەكا الۋ ءۇشىن ءۇش تالاپ بار: دەپوزيتكە كەمىندە ءبىر جىل اقشا سالىپ وتىرۋ; ءۇي قۇنىنىڭ 50 پايىزىن الدىن الا جيناۋ; باعالاۋ كورسەتكىشى (وپ) 5 بالدان كەم بولماۋى كەرەك. العاشقى كەزەڭدە ارالىق قارىز بەرىلەدى, كەيىن ول تۇرعىن ءۇي نەسيەسىنە اۋىسىپ, پايىز تومەندەيدى.
