فوتو: بقو اكىمدىگى
بقو اكىمدىگىنىڭ ءباسپاسوز قىزمەتىنىڭ مالىمدەۋىنشە ميراس رۇستەم ۇلىنىڭ ءبىلىمى جوعارى. ماحامبەت وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىن قارجى, جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتى قۇرىلىسشى ماماندىعى بويىنشا تامامداعان.
ءوڭىر باسشىسى ناريمان تورەعاليەۆ ءوزىنىڭ جاڭا ورىنباسارىن تانىستىرىپ, ميراس مۇلكايعا الداعى جاۋاپتى قىزمەتىندە تابىس پەن ساتتىلىك تىلەدى. سونىمەن قاتار وبلىستىڭ الەۋمەتتىك-ەكونوميكالىق دامۋىنداعى بىرقاتار ماڭىزدى مىندەتتەردى اتاپ ءوتىپ, جاڭا ورىنباساردىڭ وسى باعىتتاردا جۇيەلى ءارى ناتيجەلى جۇمىس اتقاراتىنىنا سەنىم ءبىلدىردى.
ول ءار جىلدارى ورال قالاسى تۇرعىن ءۇي-كوممۋنالدىق شارۋاشىلىق, جولاۋشى كولىگى جانە اۆتوموبيل جولدارى ءبولىمى اباتتاندىرۋ سەكتورىنىڭ باس مامانى, سەكتور مەڭگەرۋشىسى, ورال قالاسى تۇرعىن ءۇي كوممۋنالدىق شارۋاشىلىعى جانە تۇرعىن ءۇي ينسپەكتسياسى ءبولىمى باسشىسىنىڭ ورىنباسارى, ورال قالاسى قۇرىلىس ءبولىمىنىڭ باسشىسى, ورال قالاسى اكىمىنىڭ ورىنباسارى قىزمەتىن اتقارعان.
بقو اكىمىنىڭ ورىنباسارى لاۋازىمىنا تاعايىندالعانعا دەيىن باتىس قازاقستان وبلىسى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى قىزمەتىندە بولدى.
ميراس مۇلكاي قۇرىلىس, تۇرعىن ءۇي-كوممۋنالدىق شارۋاشىلىعى, ەنەرگەتيكا, جولاۋشىلار كولىگى جانە اۆتوموبيل جولدارى, مەملەكەتتىك ساۋلەت-قۇرىلىس باقىلاۋ سالاسى, اباتتاندىرۋ ماسەلەلەرىنە جەتەكشىلىك ەتەدى.
