فوتو: Oqu-agartu ministrligi
بۇگىندە قىتاي, وڭتۇستىك كورەيا, فرانتسيا, تۇركيا, جاپونيا, ۇلىبريتانيا, گرۋزيا, رەسەي, ياعني 8 ەلدىڭ سەرىكتەستەرىمەن 50-دەن استام مەموراندۋم جاسالعان. حالىقارالىق جوبالارعا استانا, الماتى, شىمكەنت قالالارى جانە قوستاناي, قاراعاندى, جامبىل, ماڭعىستاۋ وبلىستارىنان 20-دان استام كوللەدج قاتىسىپ جاتىر.
وقۋ-اعارتۋ مينيسترلىگىنىڭ مالىمەتىنشە ەڭ كوپ كەلىسىمدەر قىتاي حالىق رەسپۋبليكاسىمەن جاسالعان. ىنتىماقتاستىق اياسىندا قازاقستان-قىتاي كاسىبي كوللەدجى قۇرىلاتىن بولادى. سونداي-اق بالالار مەن جاستارعا ارنالعان يننوۆاتسيالىق ءبىلىم بەرۋ شەشىمدەرىن ازىرلەۋگە ماماندانعان KidsGo Technology Ltd تەحنولوگيالىق كومپانياسىمەن ارىپتەستىك باستالدى.
سالا مينيسترلىگىنە قاراستى تەحنيكالىق جانە كاسىپتىك ءبىلىم بەرۋ دەپارتامەنتىنىڭ ديرەكتورى اسەت مۇحانبەتوۆتىڭ ايتۋىنشا, اتالعان باستامالار – تەحنيكالىق جانە كاسىپتىك ءبىلىم بەرۋ جۇيەسىن جۇمىسشى ماماندىقتار جىلى اياسىندا جاڭعىرتۋدىڭ ماڭىزدى قادامى بولىپ تابىلادى.
«باستامالار حالىقارالىق ىنتىماقتاستىقتى نىعايتۋعا, وزىق ءبىلىم بەرۋ تەحنولوگيالارىن ەنگىزۋگە جانە قازاقستاندىق تۇلەكتەردىڭ جاھاندىق ەڭبەك نارىعىنداعى باسەكەگە قابىلەتتىلىگىن ارتتىرۋعا ىقپال ەتەدى», دەدى ا.مۇحانبەتوۆ.
