ەستە بولسا وتكەن جىلى اۋعانستان, وزبەكستان جانە بىرىككەن اراب امىرلىكتەرى ترانساۋعان تەمىرجول جوباسىن تەحنيكالىق زەرتتەۋ بويىنشا ءوزارا تۇسىنىستىك تۋرالى مەموراندۋمعا قول قويعان ەدى. بۇل تەمىرجولى جوباسى ورتا ازيا ەلدەرىن اۋعانستان ارقىلى وڭتۇستىك ازيا ەلدەرىمەن بايلانىستىرادى. وزبەكستان-اۋعانستان-پاكىستان ءۇش جاقتى تەمىرجول جوباسىنىڭ ۇزىندىعى 760 شاقىرىم, قۇرىلىس قۇنى 4,8 ميلليارد دوللارعا باعالانعان.
ال ءبىز ايتىپ وتىرعان مەموراندۋمنىڭ نەگىزگى ماقساتى – اۋعانستان اۋماعى بويىنشا ەكى كەزەڭدە تەمىرجول جەلىسىن, سونداي-اق اۋعانستان اۋماعىنداعى كولىك-لوگيستيكالىق ورتالىقتى سالۋ, سونداي-اق «تۋرگۋندي-گەرات-كانداگار-سپين-بولداك» جوباسىن ىسكە اسىرۋ. بۇدان كورەتىنىمىز, ءترانزيتى مەن لوگيستيكالىق حابىن ءارتاراپتاندىرۋدى كوزدەگەن ەلىمىز, وڭتۇستىك ازيا مەملەكەتتەرىنە اپاراتىن جولدى وزىنە عانا ەمەس, اينالاسىنداعى ەلدەرگە دە اشىپ بەرمەكشى.
ايتۋلى جوبانىڭ ءبىرىنشى كەزەڭدە «تۋرگۋندي-گەرات» ۋچاسكەسىندە تەمىرجول جەلىسى مەن قاجەتتى ينفراقۇرىلىمدى, سونداي-اق گەرات قالاسىنداعى كولىك-لوگيستيكالىق ورتالىقتى سالۋ جونىندەگى ينۆەستيتسيالىق جوبانى ىسكە اسىرۋ جوسپارلانىپ وتىر.
