فوتو: naryntany.kz
«دەنساۋلىق ساقتاۋ سالاسىندا قوردالانعان ماسەلەلەر بار ەكەنى بەلگىلى. ونى ءبىر كۇندە شەشۋ مۇمكىن ەمەس. بىراق ءبىزدىڭ كەشەندى جوسپارىمىز بار. اتالعان سالاعا قاتىستى ناقتى شارالار قابىلداپ جاتىرمىز. قازىرگى ۋاقىتتا 3,3 ملن ادام مىندەتتى الەۋمەتتىك مەديتسينالىق ساقتاندىرۋ جۇيەسىنەن تىس بولىپ وتىر. ءبىز كەلەسى جىلدان باستاپ جەرگىلىكتى بيۋدجەتتەردىڭ ەسەبىنەن وسى 3,3 ملن-نىڭ 1 ملن-ىن وسى جۇيەگە ەنگىزەمىز. جىل سايىن كورسەتكىشتى ازايتامىز. بۇل ۇلكەن شىعىنداردى تالاپ ەتەتىن شارۋا. بۇگىنگى تاڭدا پرەزيدەنتتىڭ تاپسىرماسى بويىنشا «اۋىلدا دەنساۋلىق ساقتاۋدى جاڭعىرتۋ» ۇلتتىق جوبا جۇزەگە اسىرىلىپ جاتىر. جالپى 600-دەن استام شالعاي ەلدى مەكەندەردە مەديتسينالىق نىساندار سالىنىپ جاتىر. ءبىز اتالعان باعىتقا رەسپۋبليكالىق بيۋدجەتتەن دە, قايتارىلعان اكتيۆتەر قاراجاتى ەسەبىنەن دە قارجى بولەمىز. ارينە, ماسەلە ونىمەن تولىق شەشىلمەيدى. بىراق, كەزەڭ كەزەڭمەن ىسكە اسىرىلادى», دەدى ولجاس بەكتەنوۆ.
