ەكونوميكالىق وسىمگە اسەر ەتكەن نەگىزگى سالالار قاتارىندا قۇرىلىس, ساۋدا, ونەركاسىپ جانە بايلانىس سالالارى اتاپ ءوتىلدى. بۇل باعىتتارداعى بەلسەندىلىك پەن ينۆەستيتسيالىق سەرپىن ەكونوميكانىڭ جالپى قۇرىلىمىنداعى تەپە-تەڭدىكتى قامتاماسىز ەتىپ وتىر.
«مەملەكەت باسشىسىنىڭ تاپسىرمالارىن ورىنداۋ اياسىندا ۇكىمەت جۇيەلى شارالار قابىلداپ, ناقتى ىسكە اسىرۋدا. ەكونوميكادا تۇراقتى ءوسىم بار. ينۆەستيتسيالاردىڭ بەلسەندى تارتىلۋى ءىرى ينفراقۇرىلىمدىق جوبالاردى باستاۋعا ىقپال ەتتى», دەدى پرەمەر-مينيستر.
ينۆەستيتسيالىق جوبالار تەك ءىرى قالالاردا ەمەس, وڭىرلىك دەڭگەيدە دە قۇرىلىس پەن ءوندىرىس بەلسەندىلىگىن ارتتىرىپ, جۇمىس ورىندارىن قۇرۋعا, سالىقتىق تۇسىمدەردىڭ وسۋىنە نەگىز بولىپ وتىر.
سونداي-اق ۇكىمەت وتىرىسىندا مەملەكەت باسشىسى ورتالىق ازياداعى العاشقى سۋپەركومپيۋتەر كلاستەرىن ىسكە قوسقانى دا ەرەكشە اتاپ ءوتىلدى. بۇل زاماناۋي قۇرال جاساندى ينتەللەكت, ۇلكەن دەرەكتەردى وڭدەۋ, ۇلگىلەۋ جانە بولجاۋ سياقتى سالالاردا وتاندىق مۇمكىندىكتەردى كەڭەيتىپ, تسيفرلاندىرۋ ارقىلى باسقارۋ تيىمدىلىگىن ارتتىرۋعا جول اشادى.
سۋپەركومپيۋتەردى قولدانۋ ەكونوميكالىق تالداۋ مەن جوسپارلاۋ ساپاسىن ارتتىرۋعا, سونداي-اق اشىقتىق پەن جەدەل شەشىم قابىلداۋ مۇمكىندىگىن كەڭەيتۋگە مۇمكىندىك بەرەدى. بۇل – ەلدەگى تسيفرلىق ەگەمەندىككە باعىتتالعان ماڭىزدى قادام.
