يراندا جۇرگەن قازاقستاندىقتار ەلگە قالاي ورالادى؟

مينيسترلىكتىڭ مالىمەتىنشە, قازاقستاندىقتاردى يرانمەن شەكارالاسىپ جاتقان ءتورت ەل ارقىلى ەۆاكۋاتسيالاۋ قاراستىرىلعان:

• يران – ازەربايجان

• يران – ارمەنيا

• يران – تۇركيا

• يران – تۇرىكمەنستان

ازاماتتارعا قازاقستاننىڭ ديپلوماتيالىق وكىلدىكتەرىمەن بايلانىسىپ, شىعۋ باعىتىن الدىن الا كەلىسۋ ۇسىنىلادى.

قاۋىپسىزدىك بويىنشا ۇسىنىستار

تاياۋ شىعىستاعى گەوساياسي جاعدايدىڭ كۇرت ۋشىعۋىنا بايلانىستى يران اۋماعىندا ۋاقىتشا نەمەسە تۇراقتى جۇرگەن قازاقستان ازاماتتارىنا جەكە قاۋىپسىزدىك شارالارىن بارىنشا كۇشەيتۋگە كەڭەس بەرىلەدى:

• ادامدار كوپ جينالاتىن ورىندارعا بارماۋ;

• جەرگىلىكتى بيلىك پەن رەسمي اقپارات كوزدەرىنىڭ حابارلامالارىن تۇراقتى باقىلاۋ;

• اسا قاجەت ەمەس ساپارلاردى شەكتەۋ;

• جەكە باسىن كۋالاندىراتىن قۇجاتتاردى ۇنەمى وزىمەن الىپ ءجۇرۋ;

• توتەنشە جاعدايلارعا دايىن بولۋ;

• قازاقستاننىڭ ديپلوماتيالىق وكىلدىكتەرىمەن تۇراقتى بايلانىستا بولۋ.

بايلانىس نومىرلەرى

قازاقستان رەسپۋبليكاسىنىڭ يرانداعى ەلشىلىگى تاۋلىك بويى جۇمىس ىستەيتىن جەدەل بايلانىس جەلىلەرىن اشتى:

تەگەران قالاسىنداعى ەلشىلىك:
+98 21 2256 5933
+98 936 208 4672 (WhatsApp)

گورگان قالاسىنداعى باس كونسۋلدىق:
+98 912 298 0350
+98 173 252 0443
+7 701 771 34 01 (WhatsApp)

بەندەر-ابباس قالاسىنداعى كونسۋلدىق:
+98 930 298 57 03 (WhatsApp)

اتالعان بايلانىس ارنالارى ارقىلى ازاماتتار كونسۋلدىق كومەك سۇراپ, وزدەرىنىڭ ورنالاسقان جەرى مەن جاعدايى تۋرالى حابارلاي الادى.

ءسىم دەرەگىنە سايكەس, قازىرگى ۋاقىتتا يراندا 96 قازاقستان ازاماتى بار. وزگە قاقتىعىس ايماعىنداعى ەلدەردەگى قازاقستاندىقتاردىڭ سانى ازىرگە ناقتىلانباعان.